தளபதி 68 படப்பிடிப்பிற்காக தாய்லாந்து பறந்த விஜய் !

லியோ படத்தை தொடர்ந்து வெங்கட் பிரபு இயக்கத்தில் தன் அடுத்த படத்தில் நடித்து வருகிறார் தளபதி விஜய். இது விஜய்யின் 68-வது திரைப்படம். யுவன் சங்கர் ராஜா இசையமைக்கும் இப்படத்தை ஏ.ஜி.எஸ்.நிறுவனம் பிரம்மாண்டமாக தயாரிக்கிறது.

இப்படத்தின் முதற்கட்ட படப்பிடிப்பு சமீபத்தில் முடிவடைந்தது. இதன் இரண்டாம் கட்ட படப்பிடிப்பு தற்போது தாய்லாந்தில் நடைபெற்று வருகிறது.

லியோ படத்தின் வெற்றி விழாவுக்காக சென்னை வந்த விஜய் தற்போது அனைத்து வேலைகளையும் முடித்து விட்டு இன்று காலை சென்னையிலிருந்து புறப்பட்டு தாய்லாந்து சென்றுள்ளார். அதற்கான வீடியோ மற்றும் புகைப்படங்கள் தற்போது இணையத்தில் வைரலாகி வருகிறது.