ஜெயம் ரவி இந்த தோற்றதுக்கு ஒரு வருடம் காத்திருந்தோம் !

ஜெயம் ரவி ஹீரோவாக நடிக்கும் படம், ‘சைரன்’. இதை அறிமுக இயக்குநர் ஆண்டனி பாக்யராஜ் இயக்குகிறார். ஹோம் மூவி மேக்கர்ஸ் சார்பில் சுஜாதா விஜயகுமார் தயாரிக்கும் இந்தப் படத்தில் கீர்த்தி சுரேஷ், அனுபமா பரமேஸ்வரன் நாயகிகளாக நடிக்கின்றனர். யோகிபாபு உட்பட பலர் நடிக்கின்றனர்.

இந்தப் படத்தில் ஜெயம் ரவியின் முதல் தோற்றம் வெளியாகி இருக்கிறது. சால்ட் அண்ட் பெப்பர் லுக்கில் கையில் விலங்குடன் டீ குடித்துக் கொண்டிருக்கும் ஜெயம் ரவியின் தோற்றம் வரவேற்பைப் பெற்றுள்ளது. இதுபற்றி இயக்குநர் ஆண்டனி பாக்யராஜிடம் கூறியதாவது:

இதுவரை பார்க்காத தோற்றத்தில் ஜெயம் ரவி இதில் நடிக்கிறார். அவருக்கு 2 தோற்றம் இருக்கிறது. இதற்கு முன் வெளியிடப்பட்ட போஸ்டரில் ஆம்புலன்ஸ் இருந்தது. இந்த போஸ்டரில் போலீஸ் வாகனம் இருக்கிறது. எந்த ‘சைரனை’ பேசுகிறோம் என்பது கதையோடு சேர்ந்தது. இப்போது வெளியாகி இருக்கிற தோற்றம்தான் கதையின் உயிர். 45 வயதான ஒருவரின் தோற்றம் போல தெரியும் இந்த லுக் கதையில் முக்கிய பங்கு இருக்கிறது. அதனால் இந்த தோற்றத்தை விஷுவலாக வெளியிட்டுள்ளோம். ஜெயம் ரவியின் இந்தத் தோற்றத்துக்காக ஒன்றரை வருடம் காத்திருந்திருந்தேன்.