News
இயக்குனர் பா.ரஞ்சித் இயக்கத்தில் சூர்யா நடிக்கும் புதிய திரைப்படம்?
வெங்கட் பிரபுவிடம் உதவி இயக்குனராக பணிபுரிந்த பா.ரஞ்சித் இயக்குனராக தமிழ் சினிமாவிற்கு அட்டகத்தி திரைப்படம் மூலம் அறிமுகமானார். இதனை தொடர்ந்து கார்த்தி நடிப்பில் வெளியான மெட்ராஸ் திரைப்படம் நல்ல வரவேற்பை பெற்றுக்கொடுத்தது. அதன் பின்னர் ரஜினி நடிப்பில் வெளியான கபாலி மற்றும் காலா படங்களை இயக்கி சூப்பர் ஹிட் படமாக கொடுத்து தமிழ் சினிமாவின் தவிர்க்க முடியாத இயக்குனராக தற்போது இருந்து வருகிறார். இது மட்டுமில்லாமல் தயாரிப்பாளராகவும் இருக்கிறார் தற்போது இவர் தயாரிப்பில் ஆர்யா நடிக்கும் சார்பாட்டா பரம்பரை படத்தை முடித்து வெளியீட்டுக்காக காத்திருக்கிறார்.
இந்நிலையில் இயக்குனர் பா.ரஞ்சித் அடுத்ததாக சூர்யாவை வைத்து ஒரு படம் இயக்கப்போவதாக தகவல் வெளியாகியுள்ளது. உண்மை சம்பவத்தை அடிப்படையாக கொண்ட கதையம்சம் கொண்ட திரைப்படமாக உருவாகயுள்ளதாம்.
தற்போது சூர்யா பாண்டிராஜ் இயக்கத்தில் சூர்யா 40 திரைப்படத்தில் நடித்து வருகிறார். அதனை தொடர்ந்து வெற்றிமாறன் இயக்கும் வாடிவாசல் படத்தில் நடித்த பின்னர்தான் பா.ரஞ்சித் இயக்கத்தில் நடிப்பார் என்று கூறப்படுகிறது.
