வலிமை படம் பார்த்த பாதிப்பில் அதே பாணியில் பைக்குகளை திருடிய இளைஞர்கள் கைது !

கோவையலுள்ள சரவணம்பட்டி பகுதியில் மார்ச் 10-ம் தேதி யமஹா பைக் ஒன்று காணமல் போனது. இது தொடர்பாக காவல்துறையினர் வழக்குப் பதிவு செய்து விசாரணை நடத்தி வந்தனர்.

விசாரணையில் இடையர்பாளையம் பகுதியை சேர்ந்த ஜீவானந்தம் மற்றும் 17 வயதுடைய சிறுவன் ஒருவனும் கைது செய்யப்பட்டனர். அவர்கள் இருவரிடமும் நடத்தப்பட்ட விசாரணையில் வலிமை படம் பார்த்த இருவரும் அந்தப் படத்தில் திருவடுவது போல பைக் திருட முடிவு செய்துள்ளனர். ஏற்கனவே 11 பைக்குகளை திருடி விற்றிருப்பது விசாரணையில் தெரியவந்திருக்கிறது.

இதனையடுத்து இருவரையும் நீதிமன்றத்தில் ஆஜர்படுத்தினர் காவல்துறை அதிகாரிகள். 17-வயதுடைய சிறுவனுக்கு நிபந்தனை ஜாமீன் வழங்கப்பட்ட நிலையில் ஜீவானந்தம் திருப்பூர் மாவட்டம் பல்லடம் சிறையில் அடைக்கப்பட்டுள்ளார்.