இயக்குநர் அட்லீ – ப்ரியா தம்பதிக்கு பெண் குழந்தை வைரலாகும் ‘மியூ’ (Miyou) பெயர் அறிவிப்பு !

தமிழ் திரையுலகின் முன்னணி இயக்குநரான அட்லீ மற்றும் அவரது மனைவி ப்ரியா அட்லீ தங்களுக்குப் பிறந்த பெண் குழந்தையின் பெயரை சமூக வலைத்தளப் பதிவு ஒன்றின் மூலம் அதிகாரப்பூர்வமாக வெளியிட்டுள்ளனர். தங்களது மகளுக்கு “மியூ” (Miyou) என்று பெயரிட்டுள்ளதாக அவர்கள் மகிழ்ச்சியுடன் அறிவித்துள்ளனர்.

இந்த விசேஷ அறிவிப்பை ஒரு அழகான, மென்மையான பாஸ்டல் நிற புகைப்படத்துடன் அவர்கள் பகிர்ந்துள்ளனர். அந்தப் படத்தில் குழந்தையின் சிறிய கை மட்டுமே காட்டப்பட்டுள்ளது. அத்துடன், “எங்கள் இதயத்தில் மிகப்பெரிய இடத்தைப் பிடித்திருக்கும் ஒரு சிறிய உயிர்” என்ற உருக்கமான வாசகமும் அதில் இடம்பெற்றுள்ளது.

“மியூ” பெயரின் அர்த்தம் என்ன?

இந்தத் தம்பதியினர் தங்களது பதிவில், இந்தப் பெயரைத் தேர்ந்தெடுத்ததற்கான காரணத்தையும் பகிர்ந்துள்ளனர்:

“எங்கள் காதலின் கலைக்கு இப்போது ஒரு பெயர் வந்துவிட்டது “மியூ” (Miyou). இதன் பொருள்: அழகு, மென்மை மற்றும் அன்பு. அன்புடன், மீர், ப்ரியா & அட்லீ.”

ஏற்கனவே இந்தத் தம்பதிக்கு ‘மீர்’ என்ற மகன் இருக்கும் நிலையில், தற்போது தங்களது மகளின் பெயரையும் ரசிகர்களுடன் பகிர்ந்து கொண்டுள்ளனர்.