பல்டி – திரைவிமர்சனம் !

Cast: Shane Nigam, Shanthnu Bhagyaraj, Preethi Asrani, Alphonse Puthren, Selvaraghavan
Production: STK Frames & Binu George Alexander Productions
Director: Unni Sivalingam
Screenplay: Unni Sivalingam
Cinematography: Alex J Pulickal
Editing: Shivkumar V.Panicker
Music: SaiAbhyankkar‬ 
Language: Malayalam, Tamil
Runtime: 2H 34Mins
Release Date: 26 September 2025

இயக்குநர் உன்னி சிவலிங்கம் இயக்கத்தில் ஷான் நிகம், சாந்தனு, செல்வராகவன், அல்போன்ஸ் புத்திரன், ப்ரீத்தி நடிப்பில் உருவாகி இன்று வெளியாகியுள்ள திரைப்படம் பல்டி.

செல்வராகவன், அல்போன்ஸ் புத்திரன், பூர்ணிமா இந்திரஜித் மூவரும் வட்டிக்கு விட்டு பணம் சம்மதிக்கும் மிகப்பெரிய தாதாக்கள். தமிழ் நாடு – கேரள பார்டரில் சில பகுதிகளை ஆக்கிரமிப்பதில் 2 பெரிய கும்பலுக்கும் ஒரு சிறிய கும்பலுக்கும் போட்டி நடக்கிறது. அந்த பெரிய ரவுடி கும்பலின் தலைவன் செல்வராகவன், சிறிய கும்பலின் தலைவன் அல்போன்ஸ் புத்திரன்.

இந்த இரு கும்பலுக்கும் தனித்தனியாக ஷோ பாய்ஸ் மற்றும் பொற்றரை என கபடி குழுக்கள் இருக்கிறது. இதில் ஷேன் நிகாம், சாந்தனு, கபடி குழுவிடம் 3 மடங்கு பணம் அதிகமாக தருவதாக கூறி பஞ்சமி கபடி குழுவில் சேருகிறார். பின்னர் இவர்களை வைத்து ரத்த கபடி விளையாடுகிறார் செல்வராகவன். இறுதியில் வெற்றி பெற்றது யார் என்பதுதான் படத்தின் மீதிக்கதை.

இது முழுக்க முழுக்க கபடி சார்ந்த திரைப்படம் பக்கா ஸ்போர்ட்ஸ் படம் என்று நினைக்கும் நமக்கும் படம் ஆரம்பித்து கொஞ்ச நேரத்திலேயே கதையை வேறு பக்கமாக அழைத்து செல்கிறார் இயக்குநர். வட்டிக்கு பணம் கொடுக்கும் செல்வராகவன் வட்டி பணத்தை கொடுக்காமல் விட்டால் நிர்வாணமாக போய் மிரட்டும் ஒரு வில்லனாக அறிமுகம் ஆகிறார். இவருக்கு வட்டி தொழில் வேலை செய்யும் நபராக வருகிறார் அல்போன்ஸ் புத்திரன்.

பண தேவைக்காக செல்வராகவன் அணியில் சேரும் ஷேன் நிகாம், சாந்தனு இருவரும் எதிராளி அல்போன்ஸ் புத்திரனை போட்டு புரட்டி எடுக்கிறார்கள். இப்பிடி இருக்க செல்வராகவன் ஒரு கட்டத்தில் ஷேன் நிகாம் காதலி ப்ரீத்தி அஸ்ரானி, அண்ணன் இருவரும் செல்வராகவனால் பாதிக்கப்பட்ட ஒரு பெண்ணுக்காக போராடுகிறார்கள். ஒரு கட்டத்தில் செல்வராகவனை அடித்து விடுகிறார் ஷேன் நிகாம், அதன் பின்னர் ஷேன் நிகாமை கொலை செய்ய விரட்டுகிறார் செல்வராகவன் மற்றும் அவரின் டீம். இதற்கு இடையில் நண்பனை காப்பாற்ற சாந்தனு என்ன செய்தார் எப்படி மாறுகிறார் என்பதை ஒரு ஆக்சன் கலந்த திரில்லர் பாணியில் சொல்லி இருப்பது சிறப்பு.

ஒரு ஸ்டைல் கபடி வீரராக வரும் ஷேன் நிகாமிற்கு 25-வது படம் இந்த பல்டி. அதற்காக தன் ஒட்டுமொத்த உழைப்பையும் கொடுத்துள்ளார். லவ், காதல், ஆக்சன் என அனைத்து காட்சிகளும் மிரட்டியுள்ளார். நண்பனாக வரும் சாந்தனு ஷேன் நிகாமுடன் சேர்ந்து சண்டை காட்சிகளும், கபடி காட்சிகளிலும் கலக்கியிருக்கிறார். குறிப்பாக படத்தின் இறுதியில் அவரின் நடிப்பு யாரு இவரு நம்ம சாந்தனுவா என வாய் மேல் விரல் வைக்கிறது. மிரட்டியுள்ளார்.

வட்டிக்கு பணம் கொடுத்து மிரட்டும் கொடூர தாதாவாக வரும் செல்வராகவன் அமைதியாக பேசி அதிரடியாக மிரட்டுகிறார். அதுவும் படத்தின் இறுதியில் இவர் ஆடும் ரத்த ஆட்டம் மிரட்டலின் உச்சம். அல்போன்ஸ் புத்திரன் நிறைவான நடிப்பால் நம் மனதில் நிற்கிறார். வில்லியாக மிரட்டும் பூர்ணிமா பெரிதாக நம் மனதில் நிற்கவில்லை.

காதலியாக வரும் ப்ரீத்தி அஸ்ரானி காட்சிகள் குறைவு என்றாலும் கிடைத்த இடத்தில் எல்லாம் ஸ்கோர் செய்கிறார். என்னதான் பாலக்காடு பகுதியில் கதை நடந்தாலும் ஒரு தமிழ் படம் பார்ப்பது போன்ற உணர்வை நமக்கு கொடுக்கிறது.

கபடி சண்டைக்காடிகளை காட்சிப்படுத்திய விதம் அதை இயல்பாக காண்பித்தது என தன் கேமரா மாஜிக்கை காட்டியிருக்கிறார் அலெக்ஸ். சாய் அபயங்கரின் இசை மற்றும் பின்னணி இசை ஓகே ரகம்தான்.

Rating – 3/5