பாக்ஸ் ஆபிஸில் சாதனை படைக்கும் லெஜண்ட் சரவணனின் லீடர் !

லெஜண்ட் சரவணன் நடிப்பில் ஆக்‌ஷன் அதிரடியாக வெளியாகியுள்ள ‘லீடர்’ (LEADER) திரைப்படம், வெளியான 3 நாட்களிலேயே 25 கோடி ரூபாய்க்கும் மேல் வசூல் செய்து மாபெரும் வெற்றிப் படமாக (Massive Blockbuster) உருவெடுத்துள்ளது.

பிரம்மாண்டமான பொருட்செலவில், லெஜண்ட் சரவணா ஸ்டோர்ஸ் புரொடக்‌ஷன்ஸ் தயாரிப்பில் வெளியாகியுள்ள இப்படம், ரசிகர்களிடையே பெரும் வரவேற்பை பெற்றுள்ளது. சமீபத்தில் படக்குழு வெளியிட்டுள்ள அதிகாரப்பூர்வ போஸ்டரில், படம் வெளியாகி வெறும் 3 நாட்களில் 25 கோடி ரூபாய்க்கும் அதிகமான வசூலைக் குவித்துள்ளதாக அறிவிக்கப்பட்டுள்ளது.

வசூல் வேட்டை இதே வேகத்தில் தொடரும் பட்சத்தில், இப்படம் மிக விரைவில் 100 கோடி கிளப்பில் இணையும் என படக்குழுவினர் நம்பிக்கையுடன் தெரிவித்துள்ளனர்.

அதிரடி சண்டைக் காட்சிகள் மற்றும் முன்னணி தொழில்நுட்பக் கலைஞர்களின் கூட்டணியில் உருவாகியுள்ள ‘லீடர்’, தற்போது திரையரங்குகளில் வெற்றிகரமாக ஓடிக்கொண்டிருக்கிறது. லெஜண்ட் சரவணனின் இந்த புதிய அவதாரம் அவரது ரசிகர்களை உற்சாகத்தில் ஆழ்த்தியுள்ளது.