கூலி – திரைவிமர்சனம் !

Cast: ரஜினிகாந்த், நாகார்ஜுனா, செளபின் ஷாஷிர், உபேந்திரா, ஸ்ருதி ஹாசன், சத்யராஜ், அமீர் கான், ரெபோ மோனிகா ஜான், கண்ணா ரவி 
Production: சன் பிக்சர்ஸ் 
Director: லோகேஷ் கனகராஜ் 
Screenplay: லோகேஷ் கனகராஜ் 
Cinematography: கிரீஷ் கங்காதரன் 
Editing: பிலோமின் ராஜ் 
Music: அனிருத் 
Language: தமிழ் 
Runtime: 2மணி நேரம் 49 நிமிடம் 
Release Date: 14 August 2025

இயக்குனர் லோகேஷ் கனகராஜ் இயக்கத்தில் சன் பிக்சர்ஸ் தயாரிப்பு நடிகர்கள் ரஜினிகாந்த் ,நாகார்ஜுனா, சோபின் சாஹிரி,சத்யராஜ் ஸ்ருதிஹாசன், உபேந்திரா மற்றும் அமீர் கான் போன்ற பல பெரிய நட்சத்திரங்களைக் கொண்டு ஆகஸ்ட் 14ஆம் தேதி கூலி படம் உலகமெங்கும் வெளியாகிறது அதனின் திரை விமர்சனத்தை தற்போது பார்ப்போம்

கதை களம் :
கதை ஆரம்பமே சைமன்(நாகர்ஜுனா) மற்றும் அவரின் உதவியாளர் தயாள்(சௌபின் சாஹிர்) விசாகப்பட்டினம் துறைமுகத்தில் சட்டவிரோதமாக கடத்தலில் ஈடுபடுவதுடன் துவங்குகிறது கூலி படம். தங்களுக்கு பிடிக்காத ஆட்களை கொன்று கடலில் வீசி வருகிறார்கள். ஆனால் அதை போலீசார் தடுக்கவே முன்னாள் ஊழியரான ராஜசேகரின்(சத்யராஜ்) பக்கம் திரும்புகிறது அவர்களின் கவனம். மனித உடலை வைத்தால் அது எரிந்து சாம்பல் மட்டும் மிச்சமாக இருக்கும் வகையில் நாற்காலி ஒன்றை கண்டுபிடிக்கிறார் ராஜசேகர். அது மிகவும் ஆபத்தானது என்று அரசு ஒதுக்கி வைக்க அது கெட்டவர்கள் கைகளுக்கு கிடைத்துவிடுகிறது.

இந்நிலையில் ராஜசேகர் திடீரென்று இறக்க அவரின் இறப்பு சான்றிதழ் தேவா கையில் கிடைக்கிறது. அதில் ராஜசேகரின் மரணம் இயற்கை அல்ல காயத்தால் இறந்தார் என்று குறிப்பிடப்பட்டதை பார்க்கிறார் தேவா. தன் நண்பன் கொலை செய்யப்பட்டதை தெரிந்து கொண்ட தேவா அதற்கு காரணமானவர்களை சும்மாவிடக் கூடாது என்று கிளம்புகிறார்.

இறுதியில் சத்யராஜை கொலை செய்தவர்கள் யார்? எதற்காக செய்தார்கள்? அவர்களை ரஜினி பழிவாங்கினாரா? என்பதே படத்தின் மீதிக்கதை.

படம் எப்படி இருக்கு
கதையின் நாயகன் ரஜினிகாந்த் எப்போதும் போல தனக்கே உரிய ஸ்டைலில் நடித்து அசத்தி இருக்கிறார். நண்பனுக்காக பழிவாங்க துடிப்பது சிறப்பான நடிப்பை வெளிபடுதியுள்ளார்.

மலையாள நடிகர் சோபின் சாஹிரின் யூகிக்க முடியாத நடிப்புக்கு பாராட்டலாம் அருமையான வில்லன் நடிப்பை வெளிபடுதியுள்ளார்.

நடிகர் நாகார்ஜுனாவின் வில்லத்தனமான நடிப்பு மிரட்டலான நடிப்பை வெளிபடுதியுள்ளார்.குறிப்பாக சற்று கதாபாத்திரத்தை உயர்த்திருக்கலாம் என்று தோன்றுகிறது.மேலும் நடிகை ஸ்ருதிஹாசனின் நடிப்பும் பாராட்டை பெறுகிறது குறிப்பாக உணர்ச்சிப்பூர்வமான காட்சிகளில் நடிப்பை வெளிபடுதியுள்ளார்.

சிறிய அளவு கதாபாத்திரம் என்றாலும் சில இடகளில் சத்யராஜின் நக்கல் நடிப்பு ரசிக்க வைக்கிறது. ஒரு பாட்டுக்கு மட்டுமே வந்தாலும் பூஜா ஹெக்டேவின் கவர்ச்சி குத்தாட்டம் போடுகிறார்.

அதேப்போல நடிகர் உபேந்திரா அவர்கள் கடைசி 15 நிமிடங்களில் வரும் காட்சிகள் படத்தின் மிகப்பெரிய பிரம்மாண்டத்தை உருவாக்குகிறது . குறிபாக அவரும் ரஜினி காந்தம் இணைந்து போடும் சண்டை காட்சிகள் அரங்கம் எங்கும் விசில் பறந்தது.

கடைசியாக வரும் பாலிவுட் நடிகர் அமீர் கான் ஒரு கலகலப்பான ஒரு வில்லன் என்று சொல்லாமல் ஒரு கதாபாத்திரம் மிகச் சிறப்பாக நடித்து இப்படத்திற்கு மேலும் ஒரு பலத்தை சேர்த்துள்ளார்.

இயக்குனர் லோகேஷ் கனகராஜ் எப்பொழுதும் போல இப்படத்திற்கும் நிறைய வேலைபாடுகள் செய்துள்ளார் என்பது படம் பார்க்கும்போது நமக்கு தெரிகிறது சிறிய சிறிய டெக்னிக்கல் வேலைகளையும் முழு ஈடுபாடுடன் செய்துள்ளார். குறிப்பாக சில முந்தைய காலகட்டத்தில் இருக்கும் ரஜினி மற்றும் சத்யராஜின் குரலில் கூட அந்த அளவிற்கு டெக்னிக்கலில் வேலை பார்த்தது படத்திற்கு மிகப்பெரிய பலம். அதேப்போல படத்தில் திரைக்கதை இருக்கட்டும் கதைக்களத்தில் மிகச் சிறப்பாக அமைத்துள்ளார். மேலும் சின்ன சின்ன இடங்களில் லாகடித்தாலும் படம் முடியும்போது ஒரு முழுமையை தருகிறது

இசையமைப்பாளர் அனிருத் ரவிச்சந்திரன் வழக்கம் போல் எல்லா படம் போலவும் ரஜினிக்கும் தனி பாணியில் எப்போதும் செய்யும் இசை மற்றும் பின்னணி பாடல் அரகம் முழுவதும் சரவெடி படத்திற்கு மிகப்பெரிய பலமாக அமைந்துள்ளது.

இப்படத்தின் மிக பெரிய பலம் சண்டைக் காட்சிகள் மிக சிறப்பான முறையில் எடுத்துள்ளார்கள் அதற்கு சண்டை காட்சி இயக்குனர் அன்பு அறிவு அவர்களுக்கு பாராட்டுக்கள்

ஒளிப்பதிவாளர் கிரிஷ் கங்காதரன் ஒளிப்பதிவு படத்துக்கு முக்கிய தூண் மற்றும் உயிரோட்டமாக அமை‌ந்து‌ள்ளது.
பிளஸ்

ரஜினிகாந்த், சோபின், நாகார்ஜுனா, கண்ணன் ரவி, உபேந்திரா நடிப்பு , லோகேஷ் கனகராஜ் இயக்கம் மற்றும் கதை களம் , அனிருத் இசை

மைனஸ்

நாகார்ஜுனா கதாபாத்திரம் மற்றும் ஓவர் எமோஷன் சீன்ஸ்

கூலி – ரத்தம் தெறிக்கும் சரவெடி !

Rating [3/5]