தட்டிக் கொடுங்க, தட்டி விடாதீங்க – தனுஷ் மாஸ் ஸ்பீச் !

சமீபத்தில் அறிவிக்கப்பட்ட 72வது தேசிய திரைப்பட விருதுகளில் நடிகர் தனுஷுக்கு ‘ராயன்’ மற்றும் ‘கேப்டன் மில்லர்’ படங்களுக்காகச் சிறந்த நடிகருக்கான தேர்வுக் குழுவின் சிறப்பு விருது அறிவிக்கப்பட்டது. தமிழ் திரையுலகில் பெரும் வரவேற்பைப் பெற்ற இந்த அறிவிப்பு, சில சமூக வலைதளப் பக்கங்களில் விவாதங்களையும் விமர்சனங்களையும் ஏற்படுத்தியது. “இந்தப் படங்களை விடச் சிறந்த படங்கள் பல இருக்க, இதற்கு விருதா?” என்ற கோணத்தில் எழுந்த விமர்சனங்களுக்கு நடிகர் தனுஷ் தனது பிறந்தநாள் விழாவில் மிகத் தெளிவாகவும் வெளிப்படையாகவும் பதிலளித்துள்ளார்.

பெரியபாளையத்தில் பிறந்தநாள் கொண்டாட்டம்

திருவள்ளூர் மாவட்டம், பெரியபாளையத்தில் நடைபெற்ற தனது பிறந்தநாள் கொண்டாட்ட நிகழ்ச்சியில் கலந்துகொண்டு ரசிகர்களைச் சந்தித்துப் பேசிய தனுஷ், சமீபத்தில் தனக்கு அறிவிக்கப்பட்ட தேசிய விருதுகள் மற்றும் அது குறித்த விமர்சனங்கள் குறித்துப் பேசுகையில் கூறியதாவது:

“எனக்கு தேசிய விருது கிடைத்தது தற்போது ஒரு பெரிய விமர்சனமாக மாறியுள்ளது. கடந்த ஆண்டில் வந்த ‘மகாராஜா’, ‘மெய்யழகன்’ போன்ற சில படங்கள் மிகச் சிறந்த திரைப்படங்கள் தான் என்பதை நான் முழுமையாக ஒப்புக்கொள்கிறேன். ஆனால், இதற்கு முன்பு எனது ‘அது ஒரு கனாக்காலம்’, ‘புதுப்பேட்டை’, ‘வடசென்னை’, ‘கர்ணன்’, ‘மரியான்’ மற்றும் ‘ராஞ்சனா’ போன்ற பல தரமான படங்கள் வெளியான போது, அவற்றுக்கும் தேசிய விருதுகள் வழங்கப்பட வேண்டும் என்று யாரும் இவ்வளவு தீவிரமாக குரல் கொடுக்க வரவில்லையே! அப்போது கிடைக்கும் என்றார்கள், ஆனால் கிடைக்கவில்லை.”

“90 சதவீதம் பேர் எதிர்க்கிறார்கள்”

தொடர்ந்து பேசிய அவர், தனது முந்தைய படங்களுக்குக் கிடைக்காத நியாயம் குறித்தும், தற்போதைய விமர்சனங்கள் குறித்தும் பின்வருமாறு குறிப்பிட்டார்:

“இன்று, கிட்டத்தட்ட 90 சதவீதம் பேர் எனது தேசிய விருதை எதிர்த்துப் பேசுகிறார்கள். ஆனால், எனது பல திரைப்படங்களுக்குத் தகுதியான தேசிய விருதுகள் கிடைக்காமல் போனபோது, ஆதரவாக 10 சதவீதம் பேர் கூட அதைப் பற்றி பேசவில்லை. ஒரே ஆண்டில் ஒரு தமிழ் நடிகருக்கு இரண்டு தேசிய விருதுகள் கிடைத்திருப்பதை அனைவரும் கொண்டாட வேண்டும். இதை எதிர்மறையாகப் பார்க்காமல், தமிழ் சினிமாவின் வெற்றியாகப் பார்க்க வேண்டும்.”

“தட்டிக் கொடுங்க… தட்டி விடாதீங்க!”

விமர்சிப்பவர்களுக்கும், தன்னை ஆதரிப்பவர்களுக்கும் சேர்த்து ஒரு குட்டிக்கதையையும், ஊக்கமளிக்கும் வார்த்தைகளையும் பகிர்ந்த தனுஷ்,

“தட்டிக் கொடுங்க… தட்டி விடாதீங்க! இந்த 2 தேசிய விருதுகள் எனக்குத் தானாக அமைந்தவை. நம்ம ‘தல’ அஜித் சொன்ன மாதிரிதான்… ‘நீயே தோத்துட்டனு ஒத்துக்கிற வரைக்கும் உன்னை யாராலயும் தோக்கடிக்க முடியாது'”

என்று கூறி தனது பேச்சை நிறைவு செய்தார். தனுஷின் இந்த அதிரடியான மற்றும் நேர்மையான பேச்சு தற்போது சமூக வலைதளங்களில் வைரலாகி வருகிறது.