தனுஷ் 54-வது பட படப்பிடிப்பு முழுமையாக நிறைவு !

போர் தொழில் படத்தின் பிரம்மாண்ட வெற்றிக்கு பின்னர் தனுஷ் நடிக்கும் 54-வது படத்தை இயக்குகிறார் இயக்குநர் விக்னேஷ் ராஜா. வேல்ஸ் இன்டர்நேஷனல் நிறுவனம் தயாரிக்கும் இப்படத்திற்கு இசையமைப்பாளர் ஜி.வி.பிரகாஷ் இசையமைக்கிறார்.

தனுஷ் ஜோடியாக நடிகை மமிதா பைஜு நடிக்கிறார். மேலும் இவர்களுடன் கே.எஸ்.ரவிக்குமார், கருணாஸ், பிரித்வி பாண்டியராஜ் மற்றும் மலையாள நடிகர் ஜெயராம், சுராஜ் வெஞ்சரமூடு ஆகியோர் படத்தின் முக்கிய கதாப்பாத்திரங்களில் நடிக்கிறார்கள்.

கடந்த மூன்று மாதங்களாக விறுவிறுப்பாக சென்னை, ராமநாதபுரத்தில் நடைபெற்று வந்த படப்பிடிப்பு முழுவதுமாக நிறைவடைந்து விட்டது அடுத்த ஆண்டு பிப்ரவரி மாதம் திரைக்கு கொண்டு வர திட்டமிட்டுள்ளோம் என்று படத்தின் தயாரிப்பாளர் ஜசரி கணேஷ் அவர்கள் தெரிவித்தார்.