துருவ் நடிக்கும் புதிய ஆக்‌ஷன் படம் ‘ஜாக்கி’ அதிரடியான First Move வீடியோ வெளியீடு !

மைத்ரி மூவி மேக்கர்ஸ் (Mythri Movie Makers) தயாரிப்பில் துருவ் விக்ரம் நடிக்கும் புதிய படமான ‘ஜாக்கி’ (Jackie) படத்தின் அதிரடியான அறிமுக வீடியோ (Jackie – First Move) தற்போது வெளியாகி ரசிகர்களிடையே பெரும் வரவேற்பை பெற்றுள்ளது.

டீஸரில் என்ன இருக்கிறது? ஒரு சினிமா படப்பிடிப்புத் தளத்தில் நடக்கும் காட்சிகளுடன் இந்த வீடியோ மிகவும் சுவாரஸ்யமாகத் தொடங்குகிறது. படத்தில் நடிக்கும் ஹீரோ, ஸ்டண்ட் காட்சிகளில் ரிஸ்க் எடுக்கத் தயங்கி தனக்கு ‘டூப்’ (Dupe) வேண்டும் என இயக்குநரிடம் கேட்கிறார். அப்போது சினிமா துறையின் நம்பர் ஒன் ஸ்டண்ட் மேனாக (Bison படத்தில் டூப்பாக நடித்தவர் என்ற அறிமுகத்தோடு) நாயகன் அறிமுகமாகிறார்.

ஸ்டண்ட் படப்பிடிப்பு தொடங்கும் நேரத்தில், அங்கு எதிர்பாராத விதமாக நிஜ ரவுடிகள் ஆயுதங்களுடன் வந்து நாயகனைத் தாக்க முற்படுகிறார்கள். சினிமா ஃபைட்டரான அவர், அந்த நிஜ ரவுடிகளை எப்படி தனது அதிரடியான ஆக்‌ஷன் மூலம் எதிர்கொள்கிறார் என்பதை மிகவும் மாஸாக காட்டியிருக்கிறார்கள்.