சிலம்பரசன் நடிக்கும் அரசன் புரோமோவை கொண்டாட தயாராகும் ரசிகர்கள் !

இயக்குநர் வெற்றிமாறன் இயக்கத்தில் சிலம்பரசன் நடிப்பில் உருவாகும் திரைப்படம் அரசன். இப்படத்தில் சிலம்பரசன் கேங்ஸ்டராக நடிக்கவுள்ளார். கலைப்புலி எஸ்.தாணு இப்படத்தை பிரம்மாண்டமாக தயாரிக்கிறார்.

இந்த நிலையில் இப்படத்தின் 5 நிமிட புரோமோ நாளை இன்று (அக்டோபர் 16) அன்று மாலை 6 மணிக்கு வெளியாகிறது. அதிலும் இந்த புரோமோ குறிப்பிட்ட சில திரையரங்குகளிலும் வெளியாகிறது. இதற்கான முன்பதிவுகள் தற்போது நடைபெற்று வருகிறது.

இந்த நிலையில் இது பற்றி சிலம்பரசன் தன் எக்ஸ் பக்கத்தில் பதிவிட்டுள்ள பதிவில் “ என் அருமை ரத்தங்களே வெற்றி மாறன் அவர்களின் அரசன் படத்தின் புரோமோவை இசையுடன் கண்டு களித்தேன். நான் சொல்கிறேன் நேரம் கிடைத்தால் தியேட்டரில் சென்று பாருங்கள் திரையரங்கு அனுபவத்தை தவறவிடாதீர்கள். அவ்வளவு மதிப்புடையது என்று பதிவிட்டுள்ளார்.