தனுஷ் – எச்.வினோத் கூட்டணி கைவிடப்படுகிறதா?

தனுஷ் – எச்.வினோத் கூட்டணியில் உருவாகவிருந்த திரைப்படம் கைவிடப்பட்டதாக தகவல் தற்போது வெளியாகியுள்ளது.

தனுஷ் தற்போது இயக்குநர் விக்னேஷ் ராஜா இயக்கத்தில் கர என்ற திரைப்படத்தில் நடித்து முடித்துள்ளார். இப்படம் ஏப்ரல் மாதம் வெளியாகவுள்ளது. இதை தொடர்ந்து இயக்குநர் ராஜ்குமார் பெரியசாமி இயக்கத்தில் தன் 55 வது திரைப்படத்தில் நடித்து வருகிறார்.

இப்படத்தை தொடர்ந்து லப்பர் பந்து புகழ் இயக்குநர் தமிழரசன் பச்சமுத்து இயக்கத்தில் ஒரு படமும், மாரி செல்வராஜ் இயக்கத்தில் ஒரு திரைப்படத்திலும் நடிக்கவுள்ளார்.

இந்த நிலையில் எச்.வினோத் – தனுஷ் கூட்டணியில் உருவாகும் படத்திற்கு போதுமான கால்ஷீட் கிடைக்காததால் இப்படம் கைவிடப்படுவதாக தகவல்கள் தெரிவிக்கின்றன.