தனுஷ் நடிப்பில் வெளியான கர படத்தின் ஓடிடி வெளியீட்டு தேதி அறிவிப்பு !

நடிகர் தனுஷ் நடிப்பில் திரையரங்குகளில் வெளியாகி கவனத்தைப் பெற்ற ‘கர’ திரைப்படம், வருகிற மே 28-ம் தேதி ஓடிடி தளத்தில் வெளியாகும் என அதிகாரப்பூர்வமாக அறிவிக்கப்பட்டுள்ளது.

திருட்டுத் தொழிலை முற்றிலும் கைவிட்டுவிட்டு நேர்மையான வாழ்க்கையை வாழ நினைக்கிறார் படத்தின் நாயகனான தனுஷ். ஆனால், வங்கியின் ஜப்தி நடவடிக்கைகள் காரணமாக, தன்னை நெருக்கடிக்கு ஆளாக்கிய அதே வங்கியில் கொள்ளையடிக்க அவர் திட்டமிடுகிறார். இந்த சுவாரஸ்யமான மையக்கருத்தை அடிப்படையாகக் கொண்டு இப்படம் உருவாக்கப்பட்டுள்ளது.

கடந்த ஏப்ரல் 30-ம் தேதி திரையரங்குகளில் வெளியான ‘கர’ திரைப்படம், ரசிகர்கள் மத்தியில் கலவையான விமர்சனங்களைப் பெற்றது. தற்போது திரையரங்க ஓட்டத்தை முடித்துள்ள நிலையில், டிஜிட்டல் தளத்தில் இப்படத்தைக் காண ரசிகர்கள் ஆவலுடன் காத்துக்கொண்டிருந்தனர்.

இந்நிலையில், ‘கர’ திரைப்படம் பிரபல ஓடிடி தளமான நெட்ஃபிக்ஸ் (Netflix) தளத்தில் வருகிற மே 28-ம் தேதி வெளியாகும் எனப் படக்குழு அறிவித்துள்ளது. மேலும், இப்படம் தமிழ், தெலுங்கு, மலையாளம், கன்னடம் மற்றும் ஹிந்தி என 5 மொழிகளிலும் வெளியாகவுள்ளது குறிப்பிடத்தக்கது.