கவின் – சஞ்சனா இணைந்து நடிக்கும் “பேர் சொல்லும் பிள்ளை”

நடிகர் கவின் நடிக்கும் புதிய திரைப்படத்தின் அதிகாரப்பூர்வ அறிவிப்பு தற்போது வெளியாகி ரசிகர்கள் மத்தியில் உற்சாகத்தை ஏற்படுத்தியுள்ளது.

கவின் நடிப்பில் சமீபத்தில் வெளியான ‘கிஸ்’, ‘மாஸ்க்’ ஆகிய திரைப்படங்கள் ரசிகர்கள் மத்தியில் கலவையான விமர்சனங்களையே பெற்றன. இதனைத் தொடர்ந்து, விஷ்ணு எடவன் இயக்கத்தில் முன்னணி நடிகை நயன்தாராவுடன் இணைந்து கவின் நடித்துள்ள ‘ஹாய்’ திரைப்படம் முழுமையாக நிறைவடைந்து, விரைவில் திரையரங்குகளில் வெளியாகவுள்ளது.

இந்த நிலையில், கவின் நாயகனாக நடிக்கும் புதிய திரைப்படத்தின் தொடக்க விழா மற்றும் பூஜை இன்று கோலாகலமாக நடைபெற்றது. இந்தப் படத்திற்கு ‘பேர் சொல்லும் பிள்ளை’ என்று தலைப்பு வைக்கப்பட்டுள்ளது.

இப்படத்தில் கவினுக்கு ஜோடியாக நடிகை சஞ்சனா கிருஷ்ணமூர்த்தி ஒப்பந்தம் செய்யப்பட்டுள்ளார். இதற்கு முன்பு வெளியாகி அனைவரின் கவனத்தையும் ஈர்த்த ‘தண்டட்டி’ படத்தின் இயக்குநர் ராம் சங்கையா இப்படத்தை இயக்குகிறார்.

பிரபல தயாரிப்பு நிறுவனமான ‘பிரின்ஸ் பிக்சர்ஸ்’ (Prince Pictures) இப்படத்தை பிரமாண்டமாக தயாரிக்கிறது. இன்று படப்பூஜை நடைபெற்றதைத் தொடர்ந்து, படத்தின் படப்பிடிப்பும் இனிதே துவங்கியுள்ளதாக படக்குழு தரப்பில் அதிகாரப்பூர்வமாக தெரிவிக்கப்பட்டுள்ளது.