குபேரா – திரைவிமர்சனம் !

Cast: Dhanush, Nagarjuna Akkineni, Rashmika Mandanna, Jim Sarbh
Production: Sree Venkateswara Cinemas LLP, Amigos Creations Pvt Ltd
Director: Sekhar Kammula
Screenplay:
Cinematography: Niketh Bommi
Editing: Karthika Srinivas R
Music: Devi Sri Prasad
Language: Tamil, Telugu
Runtime: 3H 2Mins
Release Date: 20 June 2025

இயக்குநர் சேகர் கம்முலா இயக்கத்தில் தனுஷ், நாகர்ஜுனா, ராஷ்மிகா மந்தனா, ஜிம் சர்ப் ஆகியோர் இணைந்து நடித்து இன்று வெளிவந்துள்ள திரைப்படம் குபேரா. தேவி ஸ்ரீ பிரசாத் இப்படத்திற்கு இசையமைத்துள்ளார். ரசிகர்களின் மாபெரும் எதிர்பார்ப்பில் வெளியாகியுள்ள குபேரா படம் எப்படி இருக்கிறது என்று விமர்சனத்தில் பார்க்கலாமா.

கதை களம்

கதை ஆரம்பமே பல லட்சம் கோடி மதிப்பிலான எண்ணெய் மற்றும் எரிவாயு ஒப்பந்ததை கைப்பற்ற நினைக்கிறார் குளோபல் நிறுவனத்தை நடத்திவரும் தொழிலதிபர் நீரஜ். இந்த ஒப்பந்தம் வேண்டும் என்றால் ரூ. 1 லட்சம் கோடி தனக்கு தர வேண்டும் என மந்திரி கூற அதற்கு ஏற்பாடு செய்கிறார். ஆனால், இதில் தனது நிறுவனமோ, அல்லது தனது பெயரை அடிபடக்கூடாது என்பதால் நாகர்ஜுனா மூலம் அதை செய்ய திட்டமிடுகிறார் நீரஜ். அரசாங்கத்தில் நேர்மையான வருமான வரித்துறை அதிகாரியாக இருந்த நாகார்ஜுனா, தான் செய்யாத தவறுக்காக கைது செய்யப்பட்டு சிறையில் இருக்கிறார். 7 ஆண்டுகள் சிறை தண்டனை அவருக்கு விதிக்கப்படுகிறது.

தான் நம்பிய அரசாங்கம் தனக்கு கைகொடுக்கவில்லை என்பதால், இனி நேர்மையான பாதையில் பயணிக்க வேண்டாம் என நீரஜ் உடன் இணைகிறார் நாகர்ஜுனா. ரூ. 1 லட்சம் கோடியில் ரூ. 50 ஆயிரம் கோடி கருப்பு பணமாகவும், மீதமுள்ளதை வெள்ளை பணமாகவும் தரவேண்டும். இதில் நீரஜ் நிறுவனம் சம்பந்தம் ஆகக்கூடாது என்பதால், பினாமி மூலம் இதை செய்ய முடிவு எடுக்கும் நாகர்ஜுனா, வெவ்வேறு மாவட்டங்களில் இருந்து நான்கு பிச்சைக்காரர்களை தேர்ந்தெடுக்கிறார். அவர்கள் பெயரை புதிய நிறுவனங்களை தொடங்கி, ஒவ்வொரு நபரின் பெயர் மூலம் ரூ. 10 ஆயிரம் கோடி பரிவர்த்தனை நடக்கிறது. ஆனால், பணம் கைமாறிய பின் அந்த பிச்சைக்காரர்களை கொன்றுவிடுகிறார்கள்.

இப்படியிருக்க ஒரு கட்டத்தில் இது தனுஷுக்கு தெரியவருகிறது. இதன்பின் அந்த இடத்தில் இருந்து தனுஷ் தப்பி செல்ல, அவர் பெயரில் உள்ள கணக்கில் ரூ. 10 ஆயிரம் கோடி உள்ளது. அதை தனுஷ் இல்லை செய்ய முடியாது என்பதால், ஊர் முழுவதும் சல்லடை போட்டு தனுஷை தேடுகிறார்கள். இந்த சமயத்தில்தான் ராஷ்மிகாவை சந்திக்கிறார் தனுஷ். இதன்பின் என்ன நடந்தது என்பது மீதி கதை.

படம் எப்படி இருக்கு

ஒரு நாயகன் கிடைப்பது என்பது தமிழ் சினிமா ரசிகர்களுக்கு கிடைத்த ஒரு வரம் என்றே கூறலாம் தனுசை.குறிப்பாக முதல் 15 நிமிடத்தில் தனுஷின் காட்சிகள் நம்மை ஆச்சரியப்பட வைத்திருக்கிறது.மேலும் ஆங்காங்கே படத்தில் நடிகர் தனுஷ் எப்படி பிச்சைக்காரராக ஆனார் என்பதற்கான சிறுவயது ப்ளாஷ்பேக் காட்சிகள் மனதிற்கு டச் தான். முகத்தில் தாடி, அழுக்கு சட்டை, பிச்சைக்காரராக நடுவீதியில் ஓட்டம் என பிச்சைக்காரருக்கு உரித்தான உடல் மொழியில் தன் கதாபாத்திரத்தை அவ்வளவு அருமையாக செய்திருக்கிறார் தனுஷ்.

நடிகர் நாகார்ஜுனா தனது கதாபாத்திரத்தில் எந்தவித தொய்வும் அடைய விடாமல் மிக அழகாக தனது நடிப்பை கொடுத்திருக்கிறார்.தனது கண்களாலே பல இடங்களில் நன்றாகவே ஸ்கோர் செய்திருக்கிறார். தான் ஒரு சீனியர் நடிகர் என்பதை பல காட்சிகளில் நன்றாகவே காட்டியிருக்கிறார் இப்படதின் மிக பெரிய பலமே நடிகர் நாகர்ஜுனா.

வில்லனாக வரும் ஜிம்மை சிறப்பான நடிப்பு. தனது வில்லத்தனத்தை தனது முகத்திலே காட்டி அனைவரையும் மிரள வைக்கிறார் ஜிம்.

நாயகியான ராஷ்மிகா, மிகவும் யதார்த்தமான கதாபாத்திரமாக உள்ளே வந்து தனுஷிடம் சிக்கிக் கொள்ளும் கதாபாத்திரமாக தனது கேரக்டரை மிகவும் அழகாக செய்து முடித்திருக்கிறார். சற்று ராஷ்மிகாவின் கதாபாத்திரத்தில் வழுவு சேர்த்திருக்கலாம்.

மேலும் சிறிய சிறிய கதாபாத்திரத்தில் நடித்த நாசர், பக்ஸ் ,பாக்கியராஜ் உள்ளிட்ட நடிகர்களும் தங்களின் கதாபாத்திரத்திற்கு வலு சேர்த்திருக்கின்றனர்.
இயக்குநர் சேகர் கம்முலா எடுத்துக்கொண்ட கதைக்களம் சிறப்பு. அது இறுதி 40 நிமிடங்கள்தான். வில்லனை வைத்து தனுஷ் ஆடிய ஆட்டம் மிக அருமையாக இருந்தாது. அதிலும் வில்லனை பிச்சை எடுக்க வைத்த விதம் திரையரங்கில் கைதட்டல்களை சொந்தமாக்கியது.ஆனால், படத்தின் நீளம் சற்று சலிப்பை ஏற்படுத்துகிறது மற்றும் கிளைமாக்ஸ் இன்னும் அழுத்தமாக இருந்திருக்கலாம்.

தேவி ஸ்ரீ பிரசாந்தின் பாடல்கள் படத்தோடு ஒன்றிப் போகிறது. ரசிக்கும் படியாக இருந்தன. பின்னணி இசை பல இடங்களில் நன்றாக இருந்தது. ஆனால் ஒருசில இடங்களில் இந்த காட்சிக்கு இப்படி ஒரு பின்னணி இசையா என யோசிக்க வைக்கிறது.

நிகேட் அவர்களின் ஒளிப்பதிவு படத்தினை அடுத்த தளத்திற்கு எடுத்து சென்று விட்டது.

பிளஸ்
தனுஷ் மற்றும் நாகார்ஜுனா நடிப்பு , கதை மற்றும் திரைக்கதை.

மைனஸ்
படத்தின் காலம் கிளைமாக்ஸ் காட்சி , ராஷ்மிகாவின் கதாபாத்திரத்தில் வழுவு சேர்த்திருக்கலாம்.

மொத்தத்தில்,
குபேரா – சமூக வெற்றி

Rating 3/5