மார்கன் – திரைவிமர்சனம் !

Cast: Vijay Antony, Ajay Dhishan, Samuthirakani, Brigida, Deepshikha, Mahanathi Shankar, Vinodh Sagar, Kanimoli
Production: Vijay Antony Film Corporation
Director: Leo John Paul
Screenplay: Vishnu, Leo john paul
Cinematography: S.Yuva
Editing: Leo John Paul
Music: Vijay Antony
Language: Tamil
Runtime: 2H 12Mins
Release Date: 27 June 2025

தமிழ் கிரைம் திரில்லர் படம் மார்கன் இன்று விஜய் ஆண்டனி நடிப்பில் வெளியாகி உள்ளது. படத்தின் தயாரிப்பாளரும் இவர்தான். லியோ ஜோன் பால் இயக்கியுள்ளார். படத்தில் விஜய் ஆண்டனியுடன் சமுத்திரக்கனி, பிரிகிடா, அஜய் தீக்ஷன், தீபாஷிகா, மகாநதி சங்கர், வினோத் சாகர் உள்பட பலர் நடித்துள்ளனர்.

கதை களம்

படத்தின் கதையை பொறுத்தவரையில், சென்னையில் ஒரு பெண்ணை மர்மமான முறையில் கொலை செய்யப்பட்டு, குப்பைத் தொட்டியில் வீசப்படுகிறார். கொலை செய்யப்பட்ட பெண்ணின் உடல் முழுவதும் கருப்பு நிறமாக மாறிவிடுகிறது. ஏற்கனவே மும்பையில் தனது மகளை யாரோ இதேபோல் கொலை செய்ததையும், தன்னையும் அதேபோல் கொலை செய்ய முயற்சித்ததால், காவல் அதிகாரியாக உள்ள விஜய் ஆண்டனி இந்த வழக்கை விசாரிக்க சென்னைக்கு வருகிறார்.வழக்கை விசாரிக்க வந்த விஜய் ஆண்டனி மற்றும் காவல்துறைக்கு அஜய் தீஷன் மீது சந்தேகம் வருகிறது. அவர் தான் குற்றவாளி என நினைத்த போது, கதை வேறு கட்டத்திற்கு நகர்கிறது. அதன் பின்னரும் ஒரு பெண் அதேபோல் கொலை செய்யப்படுகிறார். கொலை செய்வது யார்? அவருக்கு என்ன நோக்கம்? எதனால் இப்படி கொலை செய்கிறார் என்பதுதான் மீதிக்கதை.

பட‌ம் எப்படி இருக்கு
நடிகர் விஜய் ஆண்டனி எப்போதும் திரில்லர், வித்தியாசமான கதைக்களம் என்றாலே அவருக்கு லட்டு சாப்பிடுவது போல் இருக்கும். அதேபோல் இப்படத்திலும் தனது சிறப்பான நடிப்பாற்றலை வெளிப்படுத்தி படம் முழுவதும் ஒரு திரில்லர் மோடில் வைத்துள்ளார் நடிகர் விஜய் ஆண்டனி.

மேலும் நீச்சல் வீரராக வரும் அஜய் தீஷன் அறிமுக படத்திலேயே அழுத்தமான மற்றும் சிறப்பான நடிப்பை வெளிப்படுத்தி இருக்கிறார். தண்ணீரின் பின்னணியில், அவர் யூகிக்கும் காட்சிகள் வியப்படைய வைக்கிறார்.

இதனைத் தொடர்ந்து நடிகர்கள் சமுத்திரக்கனி, மகாநதி சங்கர், ராமச்சந்திரன், தீப்ஷிகா, அர்ச்சனா, கனிமொழி உள்ளிட்ட அனைவரும் கொடுத்த கதாபாத்திரத்திற்கு சிறப்பான நடிப்பை வெளிப்படுத்தியுள்ளார்கள்.

விஜய் ஆண்டனியின் இசை படத்துடன் ஒன்றை செய்கிறது குறிப்பாக பின்னணி இசை மிரட்டல் ஆக உள்ளது .மேலும் யுவாவின் ஒளிப்பதிவு ரசிக்கும் படி உள்ளது.

படத்தின் திரைக்கதையை பொறுத்தவரை முதல் பாதி மற்றும் இரண்டாம் பாதி என இரண்டிலும் ஒரே அள‌வி‌ல் டிக் டிக் மொமெண்ட் மெயின்டையின் செய்தது படத்திற்கு மிக பெரிய பலம்.

பிளஸ்

விஜய் ஆண்டனி மற்றும் அஜய் தீஷன் நடிப்பு, கதை, இசை

மைனஸ்
கலை நோட்டும் சற்று மெதுவாக அமைந்தது இப்படத்தின் ஒரு பலவீனம். மற்றும் நிறைய கதாபாத்திரங்கள்.

மொத்ததில் – படத்தின் டைட்டில் போல புதுமையான திரில்லர் திரைப்படம்.

Rating 3/5