தனுஷ் – மிருணாள் தாக்கூர் இணையும் புதிய படம் !

நடிகர் தனுஷ் தற்போது நடிப்பு, இயக்கம் என இரண்டு தளங்களிலும் மிகத் தீவிரமாகச் செயல்பட்டு வருகிறார். இது தொடர்பாக இணையத்தில் வெளியாகியுள்ள சமீபத்திய தகவல்கள் ரசிகர்களிடையே பெரும் எதிர்பார்ப்பை ஏற்படுத்தியுள்ளது.

விக்னேஷ் ராஜா இயக்கத்தில் தனுஷ் நடித்துள்ள ‘கர’ திரைப்படம் வரும் ஏப்ரல் 30-ம் தேதி திரைக்கு வரத் தயாராக உள்ளது. ராமநாதபுரத்தைப் பின்னணியாகக் கொண்டு உருவாகியுள்ள இப்படத்தில் மமிதா பைஜு, சுராஜ் வெஞ்சரமூடு மற்றும் கே.எஸ்.ரவிகுமார் ஆகியோர் முக்கிய கதாபாத்திரங்களில் நடித்துள்ளனர்.

‘கர’ படத்தைத் தொடர்ந்து தனுஷ் கைவசம் பல முக்கியப் படங்கள் உள்ளன:

• ராஜ்குமார் பெரியசாமி இயக்கம்: இப்படத்தில் ஸ்ரீலீலா மற்றும் சாய் பல்லவி ஆகியோர் கதாநாயகிகளாக நடிக்கின்றனர்.

• தமிழரசன் பச்சமுத்து இயக்கம்: இதற்கான ஆரம்பகட்டப் பணிகள் நடைபெற்று வருகின்றன. 

இட்லி கடை படத்திற்கு பின்னர் மீண்டும் ஒரு படத்தை இயக்கி நடிக்கவுள்ளார்.இந்தக் கதை 1960-களில் நடப்பது போன்ற வரலாற்றுப் பின்னணியைக் கொண்டது. முழுக்க முழுக்க நாயகியை மையப்படுத்திய கதையாக இது உருவாகிறது. இதில் நாயகியாக நடிக்க மிருணாள் தாக்கூர் ஒப்பந்தம் செய்யப்பட்டுள்ளதாகக் கூறப்படுகிறது.

சமீபகாலமாக தனுஷ் மற்றும் மிருணாள் தாக்கூர் இருவரும் காதலிப்பதாகவும், திருமணம் செய்யப்போவதாகவும் சில வதந்திகள் பரவின. இதனை மிருணாள் தாக்கூர் ஏற்கனவே திட்டவட்டமாக மறுத்திருந்தார். இந்தச் சூழலில், தற்போது இவர்கள் இருவரும் புதிய படத்தில் இணையப்போகும் தகவல் சமூக வலைதளங்களில் பேசுபொருளாகியுள்ளது.

சர்ச்சைகளுக்கு மத்தியில், இவர்களது ஆன்-ஸ்கிரீன் கெமிஸ்ட்ரி திரையில் எப்படி இருக்கப்போகிறது என்பதைப் பார்க்க ரசிகர்கள் ஆவலாகக் காத்திருக்கின்றனர்.