ஓஹோ எந்தன் பேபி – திரைவிமர்சனம் !

Cast: Rudra, Mithila Palkar & Others
Production: Raahul and Vishnu Vishal
Director: Krishnakumar Ramakumar
Screenplay:
Cinematography: Harish Kannan
Editing: RC Pranav
Music: Jen Martin
Language: Tamil
Runtime: 2H 14Mins
Release Date: 11 July 2025

நடிகர் கிருஷ்ணகுமார் ராமகுமார் இயக்கத்தில் உருவாகியுள்ள படம் ஓஹோ எந்தன் பேபி (Oho Endhan Baby) படத்தின் மூலம் இயக்குனராக அறிமுகமாகியுள்ளார். இந்த படத்தில் கதாநாயகனாக நடிகர் விஷ்ணு விஷாலின் சகோதரர் ருத்ரா அறிமுகமாகியுள்ளார். மேலும் விஷ்ணு விஷாலும் ஒரு சின்ன கேமியோ ரோலில் நடித்துள்ளார். இவர்களை தவிர மிதிலா பால்கார், மிஷ்கின், கருணாகரன், நிர்மல் பிள்ளை ஆகியோரும் முக்கிய கதாபாத்திரங்களில் நடித்துள்ளனர். ஜென் மார்ட்டின் படத்திற்கு இசையமைக்க, ஹரிஷ் கண்ணன் ஒளிப்பதிவு செய்துள்ளார். இந்த வாரம் படம் திரையரங்குகளிலும் வெளியாக உள்ளது

கதை களம்

சினிமாவில் இயக்குனர் ஆக வேண்டும் என்ற கனவில் நாயகன் ருத்ரா நடிகர் விஷ்ணு விஷால் இடம் கதை சொல்கிறார். ருத்ரா சொன்ன இரண்டு கதையுமே விஷ்ணு விஷாலுக்கு பிடிக்காமல் போக, ஏதாவது காதல் கதை இருந்தால் சொல்லுங்கள் நடிக்கிறேன் என்று தெரிவிக்கிறார். அந்த சமயத்தில் தன்னுடைய சொந்த காதல் கதையை விஷ்ணு விஷால் இடம் கூறுகிறார் ருத்ரா. அது விஷ்ணு விஷாலுக்கு பிடித்து போகவே இந்த கதையை படமாக எடுத்தால் நான் நடிக்கிறேன் என்று சொல்கிறார். ஆனால் அதில் ஒரு பிரச்சனை உள்ளது, அதனை நாயகன் ருத்ரா சரி செய்தாரா? இறுதியில் அவரது இயக்குனர் கனவு நனவானதா இல்லையா என்பதை சொல்லும் படம் தான் ஓஹோ எந்தன் பேபியின் மீதி கதை.

பட‌ம் எப்படி இருக்கு

இப்படம் முற்றிலும் புதிய முகங்களுடனும் புதிய ஐடியாக்கள் உடனும் உருவாகி உள்ள படம் தான் ஓஹோ எந்தன் பேபி.

கதையின் நாயகன் ருத்ரா தனது முதல் படத்திலேயே மிகச் சிறப்பான நடிப்பை வெளிப்படுத்தி திரையரங்கம் முழுவதும் கவர்ந்துள்ளார் மேலும் படம் ஆரம்பம் முதல் இறுதி வரை தனக்கென்று ஒரு பாணியில் நடித்து மக்களை மகிழ்வித்தார்.

கதையின் நாயகியாக மிதிலா பால்கர் மீரா என்ற கதாபாத்திரத்தில் நடித்துள்ளார் இது அவருக்கு தமிழில் முதல் படம் என்பது குறிப்பிடத்தக்கது மேலும் அவர் வரும் காட்சிகள் மிக வசீகரமாகவம் எதார்த்தமான நடிப்பை வெளிப்படுத்தியுள்ளார்.

இப்படத்தில் ஒரு நடிகராகவே விஷ்ணு விஷால் நடித்துள்ளார். அவரின் காட்சிகள் படத்திற்கு கூடுதல் பலம் சேர்க்கிறது. இவரை தொடர்ந்து மிஸ்கின் ஒரு சில காட்சிகளே வந்தாலும் அந்த காட்சிகள் முழுவதையும் தன் வசப்படுத்துகிறார். அரங்கமே சிரிப்பில் மிதந்தது குறிப்பிடத்தக்கது.

மேலும் ருத்ராவுக்கு நண்பராக வரும் நிர்மல் பிள்ளை, சித்தப்பாவாக வரும் கருணாகரன் ஆகியோரும் அந்த கதாபாத்திரத்திற்கு ஏற்ற நடிப்பை கொடுத்துள்ளனர்.

அறிமுக இயக்குனர் கிருஷ்ணகுமார் ராமகுமார். பல காட்சிகள் புதிதாக இருப்பதால் ரசிக்கும்படி எடு‌த்து‌ள்ளா‌ர்.

இசையமைப்பாளர் ஜென் மார்ட்டின் இசையில் பாடல்கள் மற்றும் பின்னணி இசை படத்திற்கு மிக பெரிய பலமாக உள்ளது.

பிளஸ்

நடிகர்கள் விஷ்ணு விஷால், ருத்ரா, மிதிலா பால்கர் மற்றும் மிஷ்கின், இசை கதை

மைனஸ்
திரைக்கதை மற்றும் தேவையில்லாத கதாபாத்திரம்.

ஓஹோ எந்தன் பேபி – மனம் திறப்பு

Rating 2.5/5