கயல் என்ற கதாப்பாத்திரத்தில் ஜனநாயகன் படத்தில் பூஜா ஹெக்டே !

தெலுங்கு சினிமாவில் தற்போது முன்னணி நடிகைகளில் ஒருவராக வலம் வருபவர் நடிகை பூஜா ஹெக்டே. தமிழ் சினிமாவில் முகமூடி என்ற படத்தின் மூலம் அறிமுகமானார். அதனை தொடர்ந்து பீஸ்ட், ரெட்ரோ ஆகிய படங்களில் நடித்துள்ளார். தற்போது விஜய் நடித்துள்ள ஜனநாயகன் படத்தில் கதாநாயகியாக நடித்துள்ளார்.

இயக்குநர் எச்.வினோத் இயக்கியுள்ள இப்படம் அடுத்த வருடம் பொங்கல் பண்டிகைக்கு திரைக்கு வருகிறது. இப்படத்தில் மேலும் பிரியாமணி, பாபி தியோல், மமிதா பைஜு ஆகியோர் முக்கியமான கதாப்பாத்திரங்களில் நடித்துள்ளனர்.

இந்த நிலையில் நேற்று தன் 35-வது பிறந்த நாளை கொண்டாடினார் பூஜா ஹெக்டே. இதற்கு பல சினிமா பிரபலங்கள் வாழ்த்து தெரிவித்து இருந்தனர். அதில் ஜனநாயகன் படக்குழுவும் ஒரு சிறப்பு போஸ்டர் ஒன்றை வெளியிட்டு வாழ்த்து தெரிவித்தது. அந்த போஸ்டரில் பூஜா ஹெக்டே கதாப்பாத்திரம் கயல் என்று குறிப்பிட்டிருந்தனர்.