சினிமா நடிகர்கள் பின்னர் சென்று கீழே விழுந்தால் அது உங்களுக்குதான் கஷ்டம் – ரஜினிகாந்த் !

படிக்கும் வயதில் படிப்பில் மட்டும் கவனம் செலுத்துங்கள்; போதைக்கு அடிமையாகாதீர்கள்!” – இளைஞர்களுக்கு ரஜினிகாந்த் அறிவுரை.

நடிகர் விஜய்யின் காரை பின்தொடர்ந்து சென்ற இளைஞர்கள் விபத்தில் சிக்கிய சம்பவம் குறித்து கவலை தெரிவித்துள்ள நடிகர் ரஜினிகாந்த், இளைஞர்கள் தங்கள் எதிர்காலத்திலும் உடல் நலனிலும் அக்கறை கொள்ள வேண்டும் என முக்கிய அறிவுரைகளை வழங்கியுள்ளார்.

சமீபத்தில் செய்தியாளர்களைச் சந்தித்த அவரிடம், நடிகர் விஜய் காரை பின்தொடர்ந்து இளைஞர்கள் இருசக்கர வாகனங்களில் சென்று விபத்தில் சிக்குவது குறித்து கேள்வி எழுப்பப்பட்டது. இதற்கு பதிலளித்து பேசிய ரஜினிகாந்த் கூறியதாவது:

நடிகர்கள் பின்னால் செல்ல வேண்டாம் “நடிகர்கள் பின்னால் சென்று கீழே விழுந்து காயப்பட்டால், அது உங்களுக்குத் தான் மிகப்பெரிய ஆபத்தை ஏற்படுத்தும். எனவே, இளைஞர்கள் தான் மிகவும் ஜாக்கிரதையாக இருக்க வேண்டும். படிக்கும் வயதில் படிப்பில் மட்டுமே முழு கவனம் செலுத்துங்கள். படிக்கும் நேரத்தை கோட்டை விட்டுவிட்டால், எதிர்காலத்தில் வாழ்க்கையில் மிகவும் கஷ்டப்பட நேரிடும்.

வாழ்க்கையை நரகமாக்கும் போதை தயவு செய்து குடிப்பழக்கம், கஞ்சா போன்ற போதைப் பொருட்களுக்கு இளைஞர்கள் எந்தக் காரணத்தைக் கொண்டும் அடிமையாகக் கூடாது. அது உங்கள் வாழ்க்கையை நரகமாக்கிவிடும். அப்படிப்பட்ட தீய பழக்கங்கள் உள்ள நண்பர்களை விட்டு தூரமாக விலகியிருங்கள். எப்போதும் உங்கள் உடல் ஆரோக்கியத்தில் அதிக அக்கறை செலுத்த வேண்டும்.”

இவ்வாறு ரஜினிகாந்த் இளைஞர்களுக்கு உருக்கமாக அறிவுரை வழங்கினார்.

முன்னதாக, ‘ஜனநாயகன்’ திரைப்படம் குறித்த செய்தியாளர்களின் கேள்விக்கு எந்தவித கருத்தும் சொல்ல விரும்பவில்லை என அவர் தவிர்த்துவிட்டார்.