மதுபான விளம்பரத்துக்கு மறுப்பு தெரிவித்த ரவி மோகன் வழக்கு தொடுத்த புரோ கோட் மதுபான முதலாளி !

நடிகர் ரவி மோகன் தயாரிப்பில் உருவாகி வரும் முதல் படம் ப்ரோ கோட். இப்படத்தில் ரவி மோகன், எஸ்.ஜே. சூர்யா, அர்ஜுன் அசோகன் உள்ளிட்டோர் முக்கியமான கதாப்பாத்திரங்களில் நடித்து வருகிறார்கள். இப்படம் திருமணம் ஆன ஆண்களின் பிரச்சனைகள் ஜாலியாக சொல்லும் ஒரு படமாக உருவாகி வருகிறது.

சில மாதங்களுக்கு முன்னதாக ப்ரோ கோட் படத்தின் ப்ரோமோ இணையத்தில் வெளியாகி மிகவும் பிரபலமானது. இந்த நிலையில் பிரபல மதுமான நிறுவனமான ப்ரோ கோட் டெல்லி உயர்நீதிமன்றத்தில் ரவி மோகன் நடிக்கும் ப்ரோ கோட் படத்தின் பெயருக்கு தடை விதிக்க வேண்டும் என வழக்கு தொடுத்தது.

இதற்கு பதிலளித்துள்ள ரவி மோகன் தரப்பு ப்ரோ கோட் நிறுவனம் தமிழகத்தில் புதிய மதுபான வகைகளை அறிமுகம் செய்ய படத்தை புரொமோஷனாக பயன்படுத்த அணுகியதாம் அதற்கு ரவி மோகன் மறுப்பு தெரிவிக்க இப்படி ஒரு வழக்கை தொடுத்துள்ளது.

மேலும் ரவி மோகன் தரப்பிலிருந்து சென்னை உயர்நீதிமன்றத்தில் இதுகுறித்து மனு அளிக்கப்பட்டுள்ளது. விசாரணையில் பெயரையும் திரைக்கதையும் முறையாக பதிவு செய்திருப்பதால் ரவி மோகன் படத்தின் பெயரை வைத்துக்கொள்ள நீதிபதி ஒப்புதல் அளித்திருக்கிறார். இதன் மேல்முறையீடு விசாரணை அடுத்த மாதம் ஒத்திவைக்கப்பட்டுள்ளது.