விஜய் சேதுபதி தங்கையாக நடித்திருக்கும் ரோஷினி !

இயக்குனர் பாண்டிராஜ் இயக்கத்தில் விஜய் சேதுபதி மற்றும் நித்யா மேனன் இணைந்து நடித்துள்ள திரைப்படம்தான் தலைவன் தலைவி. சத்யஜோதி நிறுவனம் தயாரித்துள்ள இப்படம் வருகிற ஜூலை 25ம் தேதி திரையரங்குகளில் வெளியாகிறது.

இந்த நிலையில் இப்படத்தின் இசைவெளியீட்டு விழா நேற்று சென்னையில் பிரம்மாண்டமாக நடைபெற்றது இதில் கலந்து கொண்டு பேசிய நடிகை ரோஷினி “ தலைவன் தலைவி படத்தில் நடித்தது எனக்கு மிகவும் ஆனந்தமாக இருக்கிறது. எனக்கு இந்த வாய்ப்பு கிடைத்ததை நினைத்து நான் மிகவும் பெருமையாக நினைக்கிறேன்.

இந்த படத்தில் விஜய்சேதுபதியின் தங்கையாக ராகவர்தினி என வேடத்தில் நடித்திருக்கிறேன். இந்த படத்தில் நடித்ததை ஒரு மறக்க முடியாத அனுபவமாக இருக்கும். இது வரைக்கும் நான் நடிக்காத ஒரு வேடமாக இருந்தது. எங்களுக்கு தொடர்ந்து ஆதரவு கொடுங்கள் என பேசினார்”