செப்டம்பர் 26 வெளியாகும் ஷேன் நிகாம் நடிக்கும் பல்டி !

தமிழில் வெளியான மெட்ராஸ்காரன் என்ற படத்தின் மூலம் தமிழ் சினிமாவுக்கு அறிமுகமானவர் மலையாள நடிகர் ஷேன் நிகாம். மலையாள சினிமாவில் வெளியான பறவ, கும்பளாங்கி நைட், இஷ்க் போன்ற படங்களில் நடித்து ரசிகர்களிடையே மிகவும் பிரபலமானார். இவர் நடிப்பில் தற்போது உருவாகியுள்ள திரைப்படம் பல்டி.

தற்போது இவர் இயக்குநர் உன்னி சிவலிங்கம் இயக்கத்தில் உருவாகியுள்ள பல்டி என்ற படத்தில் நடித்துள்ளார். இப்படம் இவருக்கு 25வது படமாகும். தமிழ் மற்றும் மலையாள மொழிகளில் உருவாகியுள்ள இப்படத்தில் ஷேன் கபடி வீரராக நடித்துள்ளார். மேலும் இவருடன் இபப்படத்தில் நடிகர் சாந்தனு பாக்கியராஜ் ப்ரீத்தி அஸ்ரானி ஆகியோர் நடித்துள்ளனர்.

பிரபல இசையமைப்பாளர் சாய் அபயங்கர் இசையமைத்துள்ள இப்படம் செப்டம்பர் 26-ம் தேதி திரையரங்குகளில் வெளியாகவுள்ளது. இந்த நிலையில் இப்படத்தின் டிரெய்லர் இன்று மாலை 6 மணிக்கு வெளியாகவுள்ளதாக படக்குழு அதிகாரப்பூர்வமாக அறிவித்துள்ளது.