பட்டைய கிளப்பும் பவுன் தாயி எனும் தாய் கிழவி ட்ரைலர் !

அறிமுக இயக்குநர் சிவகுமார் முருகேசன் இயக்கத்தில் ராதிகா சரத்குமார் படத்தின் முதன்மை கதாபாத்திரத்தில் நடித்துள்ள திரைப்படம் தாய் கிழவி. பேஷன் ஸ்டுடியோஸ் மற்றும் சிவகார்த்திகேயன் இணைந்து தயாரித்துள்ள இப்படம் வருகிற பிப்ரவரி மாதம் 27ம் தேதி திரையரங்குகளில் வெளியாகிறது.

இந்த நிலையில் இன்று இப்படத்தின் ட்ரைலர் வெளியாகியுள்ளது. பவுன்தாய் என்ற கதாப்பாத்திரத்தில் ராதிகா நடித்துள்ளார். ட்ரைலரில் ராதிகாவின் சேட்டைகள், சொத்துக்காக அவரின் மரணத்தை எதிர்பார்த்திருக்கும் மகன்கள் என கலகலப்பாக செல்கிறது. படம் முழு நீள காமெடி படமாக உருவாகியுள்ளது. அதே போல படம் ரசிகர்களை பூர்த்தி செய்யும் படமாக இருக்கும் என்று நம்மலாம்.