தலைவன் தலைவி – திரைவிமர்சனம் !

Cast: Makkal Selvan Vijay Sethupathi, Nithya Menen, Yogi Babu
Production: Sathya Jyothi Films, TG Thyagarajan Presents
Director: Pandiraaj
Screenplay: Pandiraaj
Cinematography: M. Sukumar
Editing: Pradeep E Ragav
Music: Santhosh Narayanan
Language: Tamil
Runtime: 2H 20Mins
Release Date: 25 July 2025

பாண்டிராஜ் இயக்கத்தில் விஜய் சேதுபதியின் 52வது படமாக வெளியாகியுள்ளது தலைவி தலைவி. நித்யா மேனன், யோகி பாபு, சரவணன், ரோஷினி ஹரிப்ரியன், காளி வெங்கட், மைனா நந்தினி, ஆர்.கே. சுரேஷ், வினோத் சாகர், அருள்தாஸ், சென்ராயன் உள்ளிட்ட பலர் இப்படத்தில் இணைந்து நடித்துள்ளார். இசையமைப்பாளர் சந்தோஷ் நாராயணன் இசையமைத்துள்ளார்.

கதை களம்
குடும்பத்துடன் சேர்ந்து ஹோட்டல் நடத்தி வரும் விஜய் சேதுபதிக்கும் (ஆகாச வீரன்), நித்யா மேனனுக்கும் (பேரரசி) திருமணம் நிச்சயம் செய்யப்படுகிறது. இதன்பின் இருவரும் பழகி புரிந்துகொண்டு காதலிக்க துவங்கும்போது, விஜய் சேதுபதி, அவருடைய தம்பி, அவருடைய தந்தை அனைவரும் ரவுடிகள் என தெரியவர, நித்யா மேனன் வீட்டில் இந்த திருமணத்தை நிறுத்த முடிவு செய்துவிட்டனர்.

ஆனால், தனது வீட்டை எதிர்த்து விஜய் சேதுபதியை திருமணம் செய்துகொள்கிறார் நித்யா மேனன். திருமணத்திற்கு பின் வாழ்க்கை நன்றாக போய்க்கொண்டு இருக்க, விஜய் சேதுபதியின் தந்தை சரவணன், தனது மருமகள் நித்யா மேனனை ஹோட்டல் கல்லா பெட்டியில் அமர்ந்து கணக்கை பார்த்து கொள்ள சொல்கிறார்.

இதுநாள் வரை அதனை பார்த்துக்கொண்டிருந்த விஜய் சேதுபதியின் அம்மாவுக்கு புதிதாக வந்த மருமகள் தனது இடத்தை பிடித்து விட்டால் என்கிற ஈகோ ஏற்படுகிறது. அதே போல் இதுநாள் வரை தனது பெயரை ஹோட்டல் இருந்தது, ஆனால், தற்போது தனது மனைவி பெயரில் ஹோட்டலை மாற்றியதால், விஜய் சேதுபதியின் தங்கைக்கும் கோபம் வருகிறது.இதனால் அம்மாவும் மகளும் சேர்ந்து நித்யா மேனனை ஹோட்டலில் வேலை பார்க்கும் ஆள் போல் நடத்த, இதை நித்யா மேனன் அம்மா பார்க்க பெரும் சண்டை விஜய் சேதுபதிக்கும் – நித்யா மேனனுக்கும் இடையே வெடிக்கிறது. ஒரு நாள் சண்டை என்றால் மறுநாள் இணைந்து விடுகிறார்கள். இதற்கிடையில் இருவருக்கும் அழகிய பெண் குழந்தை பிறக்கிறது.
இப்படி பிரிவதும் சேர்வதும் சண்டை போட்டுக் கொண்டே இருக்கும் நேரத்தில், விஜய் சேதுபதிக்கு வேறொரு திருமணம் செய்து வைப்பதாக வரும் செய்தியை நித்யா மேனன் அறிந்து விடுகிறார். அதன்பின் என்ன நடந்தது? இருவரும் சேர்ந்து வாழ்ந்தார்களா? இல்லை விவாகரத்து பெற்று பிரிந்து விட்டார்களா? என்பதே படத்தின் மீதி கதை.

படம் எப்படி இருக்கு

கதையின் நாயகன் விஜய் சேதுபதி வழக்கம் போல் கதையின் நாயகனாக ஜொலித்திருக்கிறார். பட்டாசு போல் படபடவென வெடித்து சிதறுகிறார் தனது நடிப்பில். ஒவ்வொரு காட்சியையும் பரபரப்பாக்கி விடுகிறார். இருந்தாலும் பல இடகளில் கத்தி கத்தி பேசியதை மட்டும் சற்று குறைத்திருந்திருக்கலாம்.

மேலும் நடிகை நித்யா மேனன். கோபம், ஆக்ரோஷம், காதல், சிரிப்பு என பல கோணங்களில் தனது நடிப்பின் திறமையை நன்றாகவே வெளிப்படுத்தியிருக்கிறார். உண்மையாகவே ஒரு கணவன் மனைவிக்கு இடையே எப்படி சண்டை வந்தால் நடந்து கொள்வார்களா அதே போல் திரையில் அதனை வெளிப்படுத்தியுள்ளனர்.

அதே போல் தீபா, செம்பன் வினோத், ரோஷினி ஹரிப்ரியன், சரவணன், மைனா நந்தினி, காளி வெங்கட், ஆர்.கே. சுரேஷ், வினோத் சாகர், அருள்தாஸ், ஜானகி சுரேஷ், சென்றாயன் என அனைவரும் தங்களது கதாபாத்திரத்தில் பட்டையை கிளப்பியுள்ளார்.

குறிப்பாக தீபா சற்று வில்லத்தனமான கதாபாத்திரத்தில் தனித்து நிற்கிறார் அவருக்கு பாராட்டுக்கள்.

இயக்குநர் பாண்டிராஜ் இந்த கதைக்களத்தை மிக சிறப்பான திரைக்கதையோடு திரையில் வழங்கியுள்ளார். அதே போல் சில காட்சிகள் நம்முடன் கனெக்ட் ஆகவில்லை. சில இடங்களில் என்னடா இது என்பது போல் சலிப்பு ஏற்பட்டாலும் ஒவ்வொரு 10 நிமிஷத்துக்கும் யோகிபாபுவின் காமெடி காட்சிகள் ஆங்காங்கே சற்று கைகொடுத்திருக்கிறது காட்சி நம்மை தேற்றிவிடுகிறது. அதுவே படத்தின் மிகப்பெரிய பலம் ஆகும்.

மேலும் இசையமைபாளர் சந்தோஷ் நாராயணனின் இசையில் பாடல்கள் மற்றும் பின்னணி இசை நன்றாக இருந்தாலும், அது இந்த படத்திற்கு செட் ஆகவில்லை என்பது குறிப்பிடத்தக்கது. குறிப்பாக பொட்டல முட்டாயே பாடலை தவிர்த்து வேறு எந்த பாடலும் மனதிலும் பதியவில்லை.

பிளஸ்

நடிகர்கள் விஜய் சேதுபதி, நித்யா மேனன், யோகி பாபு, தீபா,காளி வெங்கட், மைனா நந்தினி, ஆகியோர்களின் நடிப்பு. யோகி பாபுவின் காமெடி,கதை மற்றும் திரைக்கதை

மைனஸ்
இசை மற்றும் விஜய் சேதுபதியின் கதறல் காட்சிகள்

தலைவன் தலைவி – பாசம் வெற்றி