மரகத நாயணம் 2 திரைப்படத்தின் படப்பிடிப்பு நிறைவு பெற்றது !

பிளாக்பஸ்டர் வெற்றிப் படமான ‘மரகத நாணயம்’ படத்தின் இரண்டாம் பாகமான ‘மரகத நாணயம் 2’ திரைப்படத்தின் படப்பிடிப்பு முழுமையாக நிறைவடைந்துள்ளது. தற்போது படத்தின் போஸ்ட் புரொடக்‌ஷன் பணிகள் விறுவிறுப்பாக நடைபெற்று வருவதாக படக்குழு மகிழ்ச்சியுடன் அறிவித்துள்ளது.

எதிர்பார்ப்பை எகிற வைக்கும் இரண்டாம் பாகம் கடந்த 2017-ஆம் ஆண்டு வெளியாகி தமிழ் மற்றும் தெலுங்கு என இரு மொழிகளிலும் மாபெரும் வெற்றி பெற்ற திரைப்படம் ‘மரகத நாணயம்’. வித்தியாசமான திரைக்கதை மூலம் ரசிகர்களைக் கவர்ந்த இப்படம் வெளியாகி கிட்டத்தட்ட 9 ஆண்டுகள் நெருங்கும் நிலையில், இதன் இரண்டாம் பாகம் உருவாகி வருகிறது. நடிகர் ஆதியின் திரையுலகப் பயணத்தில் முக்கிய மைல்கல்லாக அமைந்த இப்படத்தின் இரண்டாம் பாக அறிவிப்பு வெளியான நாள் முதலே ரசிகர்களிடையே பெரும் எதிர்பார்ப்பு நிலவி வருகிறது. முதல் பாகத்தை இயக்கிய இயக்குநர் ஏ.ஆர்.கே. சரவன், இந்த இரண்டாம் பாகத்திலும் கூடுதல் கவனம் செலுத்தி பணியாற்றியுள்ளார்.

நட்சத்திரப் பட்டாளம் இப்படத்தில் ஆதி கதையின் நாயகனாக நடிக்க, அவருடன் சத்யராஜ், பிரியா பவானி சங்கர், நிக்கி கல்ராணி பினிசெட்டி, முனீஷ்காந்த், ஆனந்த்ராஜ், டேனியல், அருண்ராஜா காமராஜ், முருகானந்தம் உள்ளிட்ட மிகப்பெரிய நட்சத்திரப் பட்டாளமே இணைந்து நடித்துள்ளது.

தயாரிப்பு நிறுவனங்கள் பேஷன் ஸ்டுடியோஸ், டங்கல் டிவி, ஆர்டிசி மீடியா, ஆக்செஸ் ஃபிலிம் ஃபேக்டரி மற்றும் குட் ஷோ ஆகிய நிறுவனங்களின் சார்பில் சுதன் சுந்தரம், மணிஷ் சிங்கால், துர்காராம் செளத்ரி, தேவ் மற்றும் கே.வி. துரை ஆகியோர் இணைந்து இப்படத்தைப் பிரம்மாண்டமாகத் தயாரித்துள்ளனர்.

அடுத்த அப்டேட் எப்போது? தற்போது இப்படத்தின் போஸ்ட் புரொடக்‌ஷன் (Post-Production) பணிகள் முழுவீச்சில் நடைபெற்று வருகின்றன. விரைவில் இப்படத்தின் இசை வெளியீட்டு விழா, டிரெய்லர் மற்றும் உலகளாவிய திரையரங்க ரிலீஸ் தேதி குறித்த அதிகாரப்பூர்வ அறிவிப்புகள் அடுத்தடுத்து வெளியாகும் என படக்குழு தரப்பில் தெரிவிக்கப்பட்டுள்ளது. இது ரசிகர்கள் மற்றும் திரையுலக வட்டாரத்தில் உற்சாகத்தை ஏற்படுத்தியுள்ளது.