முதல்வர் விஜய்யுடன் கேக் வெட்டி பிறந்தநாள் கொண்டாடிய த்ரிஷா !

தமிழக முதல்வர் விஜய்யின் 52-வது பிறந்தநாளையொட்டி, நள்ளிரவில் அவருடன் இணைந்து கேக் வெட்டி கொண்டாடிய புகைப்படத்தை நடிகை த்ரிஷா தனது இன்ஸ்டாகிராம் பக்கத்தில் பகிர்ந்து வாழ்த்து தெரிவித்துள்ளார்.

தமிழக முதல்வர் விஜய் நேற்று தனது 52-வது பிறந்தநாளைக் கொண்டாடினார். அவருக்கு திரையுலக பிரபலங்கள், அரசியல் தலைவர்கள், ரசிகர்கள் என பலரும் சமூக வலைத்தளங்கள் வாயிலாகத் தங்கள் வாழ்த்துகளைத் தெரிவித்தனர். கடந்த சில ஆண்டுகளாகவே விஜய்யின் பிறந்தநாளுக்கு, அவருடன் எடுத்த புகைப்படங்களை வெளியிட்டு நடிகை த்ரிஷா வாழ்த்து தெரிவித்து வருவது வழக்கம்.

முன்னதாக, விஜய் முதல்வராவதற்கு முன்பே ஒரு திருமண நிகழ்வில் இருவரும் ஒரே நிற ஆடையில் பங்கேற்றது, முதல்வர் பதவியேற்பு விழாவில் த்ரிஷா முதல் வரிசையில் அமர்ந்திருந்தது மற்றும் நடிகர் அஜித்தின் தாயார் மறைவுக்கு இருவரும் ஒன்றாகச் சென்றது போன்ற நிகழ்வுகள் ரசிகர்கள் மத்தியில் பெரிதும் பேசுபொருளாகின.

இந்நிலையில், இந்த ஆண்டு விஜய்க்கு த்ரிஷா பிறந்தநாள் வாழ்த்து தெரிவிக்கவில்லை என்றும், இன்ஸ்டாகிராமில் அவரை ‘அன்பாலோ’ (Unfollow) செய்துவிட்டார் என்றும் சமூக வலைத்தளங்களில் திடீர் வதந்திகள் பரவின.

இந்த வதந்திகளுக்கு முற்றுப்புள்ளி வைக்கும் விதமாக, முதல்வர் விஜய்யுடன் இணைந்து நள்ளிரவு 12 மணிக்கு கேக் வெட்டி பிறந்தநாள் கொண்டாடிய சிறப்பு புகைப்படத்தை த்ரிஷா தற்போது தனது இன்ஸ்டாகிராம் பக்கத்தில் பகிர்ந்துள்ளார்.

அந்தப் பதிவில், “எல்லாவற்றையும் அர்த்தமுள்ளதாக்கும் நபருக்கு பிறந்தநாள் வாழ்த்துகள்” என நெகிழ்ச்சியுடன் குறிப்பிட்டுள்ளார். மேலும், தனது அன்பை வெளிப்படுத்தும் விதமாக ஹார்ட்டின் (Heart) மற்றும் எப்போதும் அவர் பயன்படுத்தும் கண் வடிவிலான எமோஜியையும் (Evil eye emoji) அந்தப் பதிவில் த்ரிஷா இணைத்துள்ளார். இந்தப் புகைப்படம் தற்போது இணையத்தில் வைரலாகி வருகிறது.