விஜய் ஆண்டனியின் ‘அப்பா குட்டி’ படப்பிடிப்பு நிறைவு ஆகஸ்டில் திரையரங்கு வெளியீடு !

விஜய் ஆண்டனி நடிப்பில் உருவாகி வரும் புதிய திரைப்படமான அப்பா குட்டி திரைப்படத்தின் படப்பிடிப்பு வெற்றிகரமாக நிறைவடைந்துள்ளது. நடிகர், இசையமைப்பாளர், எடிட்டர் மற்றும் தயாரிப்பாளராக பல துறைகளில் திறமையை நிரூபித்துள்ள விஜய் ஆண்டனி, இந்தப் படத்தின் மூலம் மீண்டும் ஒரு உணர்ச்சிப்பூர்வமான குடும்பக் கதையை ரசிகர்களுக்கு வழங்க தயாராகியுள்ளார்.

இந்தப் படத்தை மு. மாறன் இயக்கியுள்ளார். தந்தை – மகள் உறவை மையமாகக் கொண்டு உருவாகும் இந்த ஆக்ஷன் குடும்ப திரைப்படம், குடும்ப பாசம், உணர்ச்சி மற்றும் அதிரடி அம்சங்களை இணைத்து உருவாக்கப்பட்டுள்ளதாக படக்குழு தெரிவித்துள்ளது.

சமூகத்துடன் தொடர்புடைய கதைகளையும், உணர்ச்சிகளைத் தொடும் திரைக்கதைகளையும் உருவாக்குவதில் தனித்துவம் கொண்ட இயக்குநர் மு. மாறன், இந்தப் படத்தையும் அதே பாணியில் வலுவான காட்சிகளுடன் உருவாக்கியுள்ளார். குடும்ப ரசிகர்களையும், ஆக்ஷன் ரசிகர்களையும் ஒருசேர கவரும் வகையில் படம் வடிவமைக்கப்பட்டுள்ளதாக கூறப்படுகிறது.

தற்போது படத்தின் பின்னணி பணிகள் முழு வேகத்தில் நடைபெற்று வருகின்றன. அப்பா குட்டி திரைப்படத்தை வரும் ஆகஸ்ட் மாதத்தில் பிரம்மாண்டமாக திரையரங்குகளில் வெளியிட தயாரிப்புக் குழு திட்டமிட்டுள்ளது.

இந்தப் படத்தில் விஜய் ஆண்டனி, உணர்ச்சி ஆழமும் அதிரடி நிறைந்த கதாபாத்திரத்தில் நடித்துள்ளார். தந்தை மற்றும் மகளுக்கிடையிலான பாச உறவை மையமாகக் கொண்ட கதை, அதனுடன் இணைந்த ஆக்ஷன் அம்சங்கள் மூலம் மேலும் வலுப்படுத்தப்பட்டுள்ளதாக தகவல்கள் தெரிவிக்கின்றன.