சிம்பு நடிக்கும் அரசன் படத்தில் போலீஸ் அதிகாரி வேடத்தில் விஜய்சேதுபதி !

தமிழ் திரையுலகில் பெரும் எதிர்பார்ப்பை ஏற்படுத்தியுள்ள திரைப்படம் ‘அரசன்’. வெற்றிமாறன் இயக்கத்தில், சிலம்பரசன் (சிம்பு) கதாநாயகனாக நடிக்கும் இப்படத்தை வி கிரியேஷன்ஸ் சார்பில் கலைப்புலி எஸ்.தாணு மிகப்பிரம்மாண்டமான பொருட்செலவில் தயாரித்து வருகிறார்.

இப்படத்தின் திரைக்கதை ‘வட சென்னை’ படத்தின் காலகட்டத்தை மையமாகக் கொண்டு அமைக்கப்பட்டுள்ளது. இதனால், வட சென்னை படத்தில் இடம்பெற்ற பல முக்கிய கதாபாத்திரங்கள் ‘அரசன்’ படத்திலும் வலம் வரவுள்ளனர் என்ற தகவல் ரசிகர்களை உற்சாகத்தில் ஆழ்த்தியுள்ளது. மேலும், மக்கள் செல்வன் விஜய் சேதுபதி இப்படத்தில் ஒரு முக்கிய கதாபாத்திரத்தில் நடிக்கிறார். தற்போது வெளியாகியுள்ள கசிவுகளின்படி, அவர் ஒரு கம்பீரமான காவல் துறை அதிகாரியாக (போலீஸ்) நடிக்கவுள்ளதாக நம்பத்தகுந்த வட்டாரங்கள் தெரிவிக்கின்றன.

‘அரசன்’ படத்தின் படப்பிடிப்பு தற்போது சென்னையில் உள்ள தரமணி பகுதியில் விறுவிறுப்பாக நடைபெற்று வருகிறது. வரும் ஜூன் மாதத்திற்குள் ஒட்டுமொத்த படப்பிடிப்பையும் நிறைவு செய்ய படக்குழு திட்டமிட்டுள்ளது. அனைத்து பணிகளும் முடிவடைந்தவுடன், இந்த ஆண்டு தீபாவளிப் பண்டிகையை முன்னிட்டு படத்தை உலகமெங்கும் திரையரங்குகளில் வெளியிட தயாரிப்பு தரப்பு முடிவு செய்துள்ளதாக கூறப்படுகிறது.