யோகி பாபு நடிக்கும் ‘சிங்காரம்’ திரைப்படத்தின் வெளியீட்டு தேதி அறிவிப்பு !

‘ராஜவம்சம்’ படத்தை இயக்கிய கே.வி. கதிர்வேலு இயக்கத்தில், சாம் சி.எஸ். இசையமைப்பில் உருவாகியுள்ள நகைச்சுவை மற்றும் குடும்ப உணர்வுகள் நிறைந்த திரைப்படம் ‘சிங்காரம்’. ராக் புரொடக்ஷன் நிறுவனத்தின் சார்பில் ஏ.எஸ். ரமண பாலாஜி மற்றும் பத்மாவதி காந்தி இணைந்து தயாரித்துள்ள இப்படம், வரும் அக்டோபர் 30, 2026 அன்று உலகெங்கும் உள்ள திரையரங்குகளில் வெளியாகிறது.

தமிழ் திரையுலகில் தனது தனித்துவமான நகைச்சுவை நடிப்பால் ரசிகர்களைக் கவர்ந்து வரும் யோகி பாபு, இப்படத்தில் கதையின் நாயகனாக நடித்துள்ளார். அவருடன் வேல ராமமூர்த்தி, எம்.எஸ். பாஸ்கர், மரியா வின்சென்ட், சார்ம்ஸ், ஆர்த்தி கணேஷ், மனோபாலா, கல்கி, மாரிமுத்து, படவா கோபி, சென்ட்ராயன், டி.எஸ்.ஆர்., தீபா சங்கர், சபிதா ராய், ஜாவா சுந்தரேசன், கே.எம். கணேஷ்கர் உள்ளிட்ட பலர் முக்கிய கதாபாத்திரங்களில் நடித்துள்ளனர்.

இப்படத்தில், நரிக்குறவர் சமுதாயத்தை சேர்ந்த யோகிபாபு, தனக்கு எதிராக நிலவும் அடக்குமுறைகளையும் வாழ்க்கைச் சவால்களையும் எதிர்கொண்டு, தனது வாழ்க்கையைத் தானே தீர்மானிக்கும் துணிச்சலைப் பெறுவதே இப்படத்தின் மையக்கருவாக அமைந்துள்ளது. தனது உரிமையையும் சுயமரியாதையையும் நிலைநாட்டப் போராடும் ஒரு மனிதனின் பயணத்தை, நகைச்சுவையும் உணர்வுபூர்வமான தருணங்களும் இணைந்த திரைக்கதையின் வழியாக இப்படம் எடுத்துரைக்கிறது. அன்றாட வாழ்க்கையில் எதிர்கொள்ளும் பிரச்சினைகளையும் அவற்றைக் கடந்து முன்னேறுவதற்கான மன உறுதியையும் மையப்படுத்தி, பொழுதுபோக்குடன் கூடிய கருத்தையும் பார்வையாளர்களுக்கு வழங்கும் வகையில் ‘சிங்காரம்’ உருவாகியுள்ளது.

‘ராஜவம்சம்’ படத்தின் மூலம் கவனம் பெற்ற இயக்குநர் கே.வி. கதிர்வேலு, இப்படத்தை இயக்கியுள்ளார். யோகி பாபுவுடன் அனுபவமிக்க நடிகர்கள் இணைந்திருப்பது படத்தின் சிறப்பம்சமாகும். நகைச்சுவை, குடும்ப உணர்வுகள் மற்றும் வாழ்க்கையை எதிர்கொள்ளும் மன உறுதி ஆகிய அம்சங்களை ஒருங்கிணைத்து, அனைத்து தரப்பு ரசிகர்களையும் கவரும் வகையில் இப்படம் உருவாக்கப்பட்டுள்ளது.

இப்படத்திற்கு பிரசன்னா எஸ். குமார் ஒளிப்பதிவு செய்துள்ளார். சாம் சி.எஸ். இசையமைத்துள்ளார். லாரன்ஸ் கிஷோர் படத்தொகுப்பையும், குருராஜ் கலை இயக்கத்தையும் கவனித்துள்ளனர். அனுபவமிக்க தொழில்நுட்பக் கலைஞர்களின் பங்களிப்பில் உருவாகியுள்ள ‘சிங்காரம்’, நகைச்சுவையும் உணர்வுகளும் நிறைந்த ஒரு சுவாரஸ்யமான திரையரங்க அனுபவத்தை வழங்கத் தயாராகி வருகிறது.