News
இலங்கை தமிழச்சியாக ஐஸ்வர்யா லட்சுமி லண்டன் தாதாவாக தனுஷ் !
ரஜினிகாந்த் நடித்த பேட்டை படத்தை தொடர்ந்து இயக்குனர் கார்த்திக் சுப்புராஜ் இயக்கிய திரைப்படம் ஜகமே தந்திரம். தனுஷ் நாயகனாக நடிக்க ஐஸ்வர்யா லட்சுமி ஜோடியாக நடித்துள்ளார். இப்படத்தில் வில்லனாக பிரபல ஹாலிவுட் நடிகர் ஜேம்ஸ் காமோ நடித்துள்ளார்.
இந்த மாதம் 18-ம் தேதி நேரடியாக நெட்பிளிக்ஸ் ஓடிடி தளத்தில் வெளியாகவுள்ளது. இன்று காலை 10 மணிக்கு இப்படத்தின் டிரைலர் வெளியானது அதிரடி ஆக்ஷன் காட்சிகள் நிறைந்த இந்த டிரைலர் தற்போது சமூக வலைத்தளங்களில் பரவி வருகிறது.
அதில் தனுஷ் பேசும் வசனங்கள் அனைவரையும் கவர்ந்துள்ளது. சோழர் பரம்பரையில் ஒரு லண்டன் தாதா என்ற அந்த வசனம் ரசிகர்களை மிகவும் வெகுவாக கவர்ந்துள்ளது.
இந்த படம் ஓடிடி தளத்தில் வெளியாவதில் தனுசுக்கு கொஞ்சம் கூட இஷ்டம் இல்லையாம் இதனால் மிகவும் கடுப்பில் உள்ளாராம்.இதன் காரணமாக இப்படத்தின் டீசரை தன் சமூக வளைத்தளத்தில் பகிரவில்லை தனுஷ். ஆனால் இன்று வெளியான டிரைலரை தன் சமூக வலைத்தளங்களில் பகிர்ந்துள்ளார் தனுஷ்.
