News
மைக்கை தூக்கி எறிந்த நடிகர் பார்த்தீபன் அதிர்ச்சியடைந்த ரஹ்மான் !
தமிழ் திரையுலகில் தவிர்க்க முடியாத இடத்தை பிடித்திருக்கும் நடிகர் பார்த்திபன், வித்தியாசமான கதை களங்களைக் கொண்ட திரைப்படங்களை தானே தயாரித்தும், இயக்கியும், நடித்தும் வருகிறார்.அந்த வகையில், ஒரே ஷாட்டில் ‘இரவின் நிழல்’ என்ற திரைப்படத்தை இயக்கி நடித்துள்ளார் நடிகர் பார்த்திபன். இப்படத்திற்கு இசையமைப்பாளர் ஏ.ஆர். ரகுமான் இசையமைத்துள்ளார்.
இந்நிலையில், சென்னையில் நேற்று நடைபெற்ற இத்திரைப்படத்தின் பாடல் வெளியீட்டு விழாவில் பார்த்திபனும், ஏ.ஆர்.ரகுமானும் உரையாடும் நிகழ்வு நடைபெற்றது.அப்போது, பார்த்திபன் கையில் இருந்த மைக் திடீரென வேலை செய்யாததால் பெரும் கோபமடைந்த பார்த்திபன், தான் கையில் வைத்திருந்த மைக்கை தூக்கி மேடைக்குக் கீழே தூக்கியெறிந்தார். இச்செயலைக் கண்டு மேடையில் இருந்த ஏ.ஆர்.ரகுமான் பெரும் அதிர்ச்சியடைந்தார்.
இதனைத் தொடர்ந்து, நிகழ்ச்சியில் கத்தி கத்தி பேசும் நிலையில் மைக் வேலை செய்யாததால் தான் உணர்ச்சிவசப்பட்டு விட்டதாகக் கூறிய நடிகர் பார்த்திபன், நிகழ்ச்சியின் நிறைவில் தன்னுடைய செயலுக்கு வருத்தம் தெரிவித்தார்.இசையமைப்பாளர் ஏ.ஆர்.ரகுமான் முன் நடிகர் பார்த்திபன் மைக்கை தூக்கியெறிந்த வீடியோ தற்போது சமூக வலைத்தளங்களில் வேகமாக பரவி பெரும் பரபரப்பை ஏற்படுத்தி வருகிறது.
