அங்கீகாரம் தணிக்கைக் குழுவில் ‘U’ சான்றிதழ் பெற்று அசத்தல் !

வலைத்தளங்களில் தற்போதைய ஹாட் டாபிக், அறிமுக நடிகர் கே.ஜெ.ஆர் நடித்துள்ள ‘அங்கீகாரம்’ திரைப்படம் தான். ட்ரைலர், வசனங்கள் மற்றும் ஃபர்ஸ்ட் சிங்கிள் பாடல் மூலமாகவே சினிமா ரசிகர்களின் ஒட்டுமொத்த கவனத்தையும் ஈர்த்த இப்படம், தற்போது தணிக்கைக் குழுவால் (Sensor Board) அனைவருக்குமான திரைப்படமாக அங்கீகரிக்கப்பட்டு ‘U’ சான்றிதழைப் பெற்றுள்ளது.

பல உண்மைச் சம்பவங்களை அடிப்படையாகக் கொண்டு, தடகள வீரர்கள் (Athletes) தங்கள் வாழ்வில் சந்திக்கும் போராட்டங்களையும், தங்களுக்கான அங்கீகாரத்தைப் பெற அவர்கள் மேற்கொள்ளும் நெடிய பயணத்தையும் பேசும் படமாக இது உருவாகியுள்ளது. மறுக்கப்பட்ட தன் உரிமைக்காக ஒரு தடகள வீரன் நீதிமன்றம் ஏறி எப்படிப் போராடுகிறான் என்ற அழுத்தமான மையக்கதையை இப்படம் விவரிக்கிறது.

ஸ்வஸ்திக் விஷன்ஸ் தயாரிப்பில், ஜிப்ரான் இசையமைப்பில் உருவாகியுள்ள இப்படத்தின் முதல் பாடலான “சட்ட சட்ட சட்ட சான்றோரே” பாடல் வெளியாகி ரசிகர்களிடம் பெரும் வரவேற்பைப் பெற்று வருகிறது.

சட்டத்தையும், இந்தச் சமூகத்தையும் கேள்வி கேட்கும் ஆழமான கருத்துகளுடன் அமைந்துள்ள இப்பாடல் மற்றும் படத்தின் ட்ரைலர், வசனங்கள் ஆகியவை சமூக வலைத்தளங்களில் தற்போதைய பேசுபொருளாக மாறியுள்ளன.

இயக்குநர் பா.இரஞ்சித்தின் துணை இயக்குநரான தென்பாதியான் இப்படத்தின் மூலம் இயக்குநராக அறிமுகமாகிறார். படத்தில் கே.ஜெ.ஆர் கதாநாயகனாக நடிக்க, அவருடன் விஜி வெங்கடேஷ், அஜித் கோஷி, சிந்தூரி விஸ்வநாத், ரங்கராஜ் பாண்டே, மன்சூர் அலிகான் உள்ளிட்ட பல முக்கிய நட்சத்திரங்கள் நடித்துள்ளனர்.

ட்ரைலர் மற்றும் முதல் பாடலுக்குக் கிடைத்துள்ள ஏகோபித்த வரவேற்பைத் தொடர்ந்து, வரும் ஜூன் 26-ம் தேதி திரையரங்குகளில் வெளியாகவிருக்கும் “அங்கீகாரம்” திரைப்படத்தின் மீது ரசிகர்களின் எதிர்பார்ப்பு பல மடங்கு அதிகரித்துள்ளது.