விமர்சனங்களுக்குப் பதில் அளிக்காதது திமிரா? – நடிகை அனுபமா பரமேஸ்வரன் விளக்கம் !

நடிகை அனுபமா பரமேஸ்வரன் நடிப்பில் சமீபத்தில் வெளியான ‘கிரேஸி கல்யாணம்’ திரைப்படம் திரையரங்குகளில் கலவையான விமர்சனங்களைப் பெற்று வருகிறது. இந்நிலையில், சமூக வலைதளங்களில் வரும் விமர்சனங்கள் மற்றும் அதற்குத் தான் அளிக்கும் பதில்கள் குறித்து அனுபமா பரமேஸ்வரன் வெளிப்படையாகப் பேசியுள்ளார்.

விமர்சனங்கள் குறித்து அவர் தெரிவிக்கையில்:

“ஒரு திரைப்படம் நன்றாக இல்லை என்றால் விமர்சனங்கள் வருவது இயல்பானதும், முக்கியமானதும்தான். அது ஆரோக்கியமான விமர்சனமாக இருந்தால் தாராளமாக ஏற்றுக்கொள்ளலாம். ஆனால், வேண்டுமென்றே திட்டமிட்டும், பணம் பெற்றுக்கொண்டும் விமர்சிப்பவர்களுக்கு நான் ஏன் பதில் சொல்ல வேண்டும்?”

மேலும், சமூக வலைதளங்களில் விமர்சனங்களுக்குப் பதிலளிக்காதது குறித்து எழுப்பப்படும் புகார்களுக்கு விளக்கமளித்த அவர்:

“சமூக வலைதளங்களில் வரும் அனைத்து விமர்சனங்களுக்கும் என்னால் பதில் அளித்துக் கொண்டிருக்க முடியாது. அதற்கு ‘திமிர்’ என்று பொருள் அல்ல. எனக்குப் பிடித்தமான பதிவுகளுக்கு மட்டுமே நான் பதிலளிப்பேன். எல்லா கருத்துகளுக்கும் பதில் அளித்துக் கொண்டிருந்தால் ‘வேறு வேலை இல்லையா’ எனக் கேட்பார்கள். எனக்கு ஓய்வு நேரங்கள் கிடைத்தாலும், ஓய்வு இல்லாதது போல நடிக்க வேண்டிய அவசியமில்லை,” என்று காட்டமாகத் தெரிவித்துள்ளார்.