வெளியானது ‘அரசன்’ படத்தின் புதிய கிளிம்ஸ். தாஸ் அண்ணன் வராரு !

இயக்குநர் வெற்றிமாறன் இயக்கத்தில் சிலம்பரசன் நடிப்பில் உருவாகி வரும் ‘அரசன்’ திரைப்படத்தின் புதிய கிளிம்ஸ் விடியோ தீபாவளியை முன்னிட்டு வெளியாகியுள்ளது.

தமிழ் திரையுலகில் எதிர்பார்ப்பை ஏற்படுத்தியுள்ள திரைப்படங்களில் ஒன்றான ‘அரசன்’ படத்தின் புதிய கிளிம்ஸ் விடியோ தற்போது வெளியாகியுள்ளது.

இயக்குநர் வெற்றிமாறன் இயக்கத்தில் நடிகர் சிலம்பரசன், பிரியங்கா மோகன், ஆண்ட்ரியா மற்றும் விஜய் சேதுபதி உள்ளிட்டோர் முக்கிய கதாபாத்திரங்களில் நடித்து வருகின்றனர்.

மதுரை மற்றும் சென்னையில் இப்படத்தின் படப்பிடிப்பு நடைபெற்றுள்ளது. முதலில் இந்த ஆண்டு தீபாவளிக்கு திரைப்படத்தை வெளியிடத் திட்டமிடப்பட்டிருந்த நிலையில், சில காரணங்களால் வெளியீடு அடுத்த ஆண்டுக்கு ஒத்திவைக்கப்பட்டுள்ளது.

இந்த நிலையில், தீபாவளியை முன்னிட்டு படக்குழு புதிய கிளிம்ஸ் விடியோவை வெளியிட்டுள்ளது.

இந்தக் கிளிம்ஸ் விடியோவில் நடிகர் சிலம்பரசன் நடந்து வரும் காட்சிகளுடன், ‘தாஸ் அண்ணன் வராரு’ என்ற கானா பாடல் ஒலிக்கிறது.

இருப்பினும், வெளியான கிளிம்ஸ் ரசிகர்கள் மத்தியில் எதிர்பார்த்த அளவுக்கு பெரிய தாக்கத்தை ஏற்படுத்தவில்லை என்றும், சிலம்பரசன் ரசிகர்கள் ஏமாற்றம் தெரிவித்துள்ளதாகவும் கூறப்படுகிறது.

‘அரசன்’ திரைப்படத்தின் அடுத்தடுத்த அப்டேட்கள் மற்றும் வெளியீட்டுத் தேதி குறித்த அறிவிப்புகளை ரசிகர்கள் ஆவலுடன் எதிர்பார்த்து வருகின்றனர்.