ஹாலிவுட் பட ரேஞ்சில் இணையத்தை கலக்கும் ஆக்‌ஷன் டீசர்

ஆம்பள படத்தின் வெற்றிக்கு பின்னர் இயக்குநர் சுந்தர்.சி மற்றும் நடிகர் விஷால் மீண்டும் இணைந்திருக்கும் படம் ஆக்ஷன் இதில் விஷாலுக்கு ஜோடியாக நடிகை தமன்னா நடிக்கிறார். இதை தவிர ஐஸ்வர்யா லட்சுமி , யோகி பாபு உள்ளிட்டோர் முக்கிய கதாபாத்திரத்தில் நடிக்கின்றனர். மேலும் படத்தின் வில்லனாக வேதாளம், காஞ்சனா 3 உள்ளிட்ட படங்களில் நடித்த கபீர் துஹான் சிங் வில்லனாக நடிக்கிறார்.

மீண்டும் இந்த படத்திற்கு ஹிப்ஹாப் தமிழா இசையமைக்கிறார். இந்த படத்தை டிரிடென்ட் ஆர்ட்ஸ் நிறுவனம் சார்பில் ஆர்.ரவீந்திரன் தயாரிக்கிறது. இந்த படத்தின் படப்பிடிப்புகள் துருக்கி, அஜர்பைஜான் உள்ளிட்ட அழகான லொகேஷன்களில் படமாக்கப்பட்டுள்ளது.

நேற்று மாலை இந்த படத்தில் அதிரடியான டீஸர் வெளியாகி கோலிவுட் வட்டாரத்தில் ஒரு கலக்கு கலக்கி வருகிறது. பக்காவான அதிரடி ஆக்ஷன் காட்ச்சிகளில் நடிகர் விஷால் மிரட்டு மிரட்டு என்று மிரட்டுகிறார்.

ஹாலிவுட் ரேஞ்சிற்கு கலர்ஃபுல்லான காட்சிகளுடன் வெளியாகியுள்ள இந்த டீசர் ரசிகர்களை வெகுவாக கவர்ந்துள்ளது. ரசிகர்கள் பலரும் விஷாலுக்கு வாழ்த்துக்களை தெரிவித்து வருகின்றனர்.