அதிகம் படிக்காத புத்திசாலி வேடத்தில் ஐஸ்வர்யா ராஜேஷ் !

ஹீரோயினுக்கு முக்கியத்துவம் உள்ள படங்களில் நடிப்பதில் நயன்தாரா, அனுஷ்கா, சமந்தா போல் அதிகம் ஆர்வம் மற்றும் கவனம் செலுத்தி வருகிறார் ஐஸ்வர்யா ராஜேஷ். தொடர்ந்து அதுபோன்ற படங்களும் அவருக்கு கிடைத்து வருகிறது.

வைபவ், வாணிபோஜன் நடிப்பில் வெளியான லாக்கப் படத்தை இயக்கியவர் சார்லஸ். இவரின் அடுத்த படத்தில் ஐஸ்வர்யா ராஜேஷ் முதன்மை கதாப்பாத்திரத்தில் நடிக்கவுள்ளார்.

இப்படத்தில் துணிக்கையில் வேலைபார்க்கும் சேல்ஸ் கேர்ள் வேடத்தில் நடிக்கவுள்ளார் ஐஸ்வர்யா ராஜேஷ். வடசென்னை பெண்ணாகவும் இதில் நடிக்கிறாராம்.

தனி ஒருவன் படத்தில் அரவிந்த்சாமி விஞ்ஞானியாகவும் அதிபுத்திசாலியாகவும் நடித்திருப்பார். அதே போல இதிலும் ஐஸ்வர்யா ராஜேச்ஜ் அதிபுத்திசாலி. ஆனால் அதிகம் படிக்காதவர் கண்டிப்பாக இவரின் கேரக்டர் பேசப்படும் என்கிறார் இயக்குநர்.

ஐஸ்வர்யா ராஜேஷுசன் லட்சுமி ப்ரியா, சுனில் ரெட்டி, கருணாகரன், மைம் கோபி, தீபா ஷங்கர், ரெடின் கிங்ஸ்லி உள்பட பலர் நடிக்கிறார்கள். ஹியூபாக்ஸ் ஸ்டுடியோஸ் மற்றும் ஹம்சினி என்டர்டைன்மென்ட் நிறுவனங்கள் இப்படத்தை இணைந்து தயாரிக்கிறது.