அஜித் நடிக்கும் 62-வது படத்தில் வில்லனாக நடிக்கும் அரவிந்த சாமி !

துணிவு படத்தை அடுத்து விக்னேஷ் சிவன் இயக்கத்தில் தனது 62-வது படத்தை நடிக்கவுள்ளார் அஜித் குமார். இப்படத்தை பிரபல தயாரிப்பு நிறுவனமான லைகா தயாரிக்கவுள்ளது.

ஆக்‌ஷன் கதை களத்துடன் உருவாகும் இப்படத்தில் மிகவும் பிரபலமான வில்லன் நடிகரைத்தான் நடிக்கவைக்க வேண்டும் என்று பல நடிகர்களிடம் பேச்சு வார்த்தை நடத்தி வந்தார் இயக்குநர் விக்னேஷ் சிவன். இறுதியாக நடிகர் அரவிந்த சாமியிடன் பேச்சு வார்த்தை நடந்து வருவதாக தகவல் வெளியாகியுள்ளது.

தனி ஒருவன் படத்தை போலவே ஏகே 62 படத்திலும் அரவிந்த சாமிக்கு மிரட்டலான கதாப்பாத்திரம் என்று சொல்லப்படுகிறது. அரவிந்த சாமி மற்றும் அஜித் குமார் இதற்கு முன்னர் சுரேஷ் மேனன் இயக்கத்தில் வெளியான படத்தில் அஜித் குமார் ஒரு சிறிய வேடத்தில் நடித்திருந்தார். அதற்கு பின்னர் இவர்கள் இருவரும் இணைந்து நடிக்கவே இல்லை.

இந்த நிலையில் தற்போது ஏகே 62 படத்தில் மிக நீண்ட இடைவெளிக்கு பின்னர் அரவிந்த சாமி மற்றும் அஜித் குமார் இணைந்து நடிக்கவுள்ளனர். இது குறித்த அதிகாரபூர்வ அறிவிப்பு மிக விரைவில் வெளியாகும்.