வெற்றிமாறன் இயக்கத்தில் நடிக்கும் விஜய்?

வெங்கட் பிரபு இயக்கத்தில் தற்போது கோட் என்ற படத்தில் நடித்து வருகிறார் விஜய். இந்த நிலையில் சினிமாவை விட்டு முழுவதுமாகி விலகி அரசியலில் ஈடுபடப்போவதாக அறிவித்துள்ளார் விஜய்.

விஜய் நடித்து வரும் கோட் படத்திற்கு பின்னத் அவரின் கடைசி படத்தை யார் இயக்கபோவது என்ற கேள்வி ரசிகர்கள் மனதில் எழுந்துள்ளது. அரசியல் தலைவராக முதல் படம் என்பதால் நிச்சயமாக இப்படம் அரசியலை மையமாக வைத்துதான் உருவாகும் என கூறப்படுகிறது.

இயக்குநர் எச்.வினோத் விஜய்யிடம் ஒரு அரசியல் கதை ஒன்றை கூறியுள்ளதாக சில தினங்களாக தகவல்கள் வெளியானது. இந்த நிலையில் தெலுங்கு சினிமாவை சேர்ந்த தொலைக்காட்சி நிறுவனம் ஒன்று விஜய்யின் 69-வது படத்தை தயாரிப்பதாகவும் இப்படத்தை இயக்குநர் வெற்றிமாறன் இயக்கவுள்ளதாக ஒரு தகவல் வெளியாகியுள்ளது.

வெற்றிமாறன் சில வருடங்களுக்கு முன்னரே விஜய்யிடம் ஒரு கதை சொல்லி இருக்கிறார். அந்த நேரத்தில் இருவருக்கும் பணிகள் நிறைய இருந்த காரணத்தால் அது தள்ளிப்போனது.

ஆனால் இப்போது உள்ளது சூழலில் இவர்கள் இருவரும் இணைய அதிக வாய்ப்புண்டு என்று பலரும் எதிர்பார்க்கின்றனர்.