News
சிவன் வேடத்தில் யோகி பாபு நடிக்கும் டைம் டிராவல் படம் !
இயக்குநர் ஆர்.கண்ணன் ஜெயம் கொண்டான் என்ற படம் மூலம் தமி திரையுலகத்திற்கு இயக்குநராக அறிமுகமானார். அதன் பின்னர் பல திரைபப்டங்களை இயக்கியுள்ள இவர் தற்போது மலையாளத்தில் வெளியாகி மிகப்பெரிய வெற்றி பெற்ற படமான ‘கிரேட் இந்தியன் கிச்சன்’ என்ற படத்தை தமிழில் நடிகை ஐஸ்வர்யா ராஷேவை வைத்து உருவாக்கியுள்ளார்.
அதுமட்டுமில்லாமல் மிர்ச்சி சிவா, யோகி பாபு, பிரியா ஆனந்த் நடிப்பில் உருவாகியுள்ள ‘காசேதான் கடவுள்’ என்ற படத்தையும் இயக்கியுள்ளார். இந்த இரு படங்களுமே மிக விரைவில் திரைக்கு வரவுள்ளது.
இந்த நிலையில் யோகி பாபுவை வைத்து ‘பெரியாண்டவர்’ என்ற படத்தை இயக்கவுள்ளார். இப்படத்தில் யோகிபாபு சிவன் வேடத்தில் நடிக்கவுள்ளாராம். இது ஒரு டைம் டிராவ்லர் படம். வித்தியாசமான கதை அமைப்பில் உருவாகும் இப்படம், யோகிபாபு நடித்த கோலமாவு கோகிலா, கூர்கா, தர்மபிரபு, மண்டேலா பட வரிசையில் இப்படம் அமைந்திருக்கும்.நாயகியாக முன்னணி நடிகை தேர்வு மற்றும் உள்ள நட்சத்திர தேர்வு நடைபெறுகிறது.இதன் படபிடிப்பு சம்மர் முடிந்ததும் ஆரம்பமாகிறது.
யோகிபாபு சிவன் வேடம் ஏற்று நடிப்பதால், சிவன் கோவில் செட் ஒன்று ECR ரோட்டில் ரூபாய் 50 லட்சம் செலவில் பிரமாண்டமாக அமைக்கிறார்கள். வசனத்திற்கு முக்கியத்துவம் கொடுக்கும் கதை என்பதால் கபிலன் வைரமுத்து இப்படத்தில் பாடல்கள் எழுதி வசனகர்த்தாவாக ஆர்.கண்ணனுடன் இணைகிறார்.சிவன் கதையோடு டைம் டிராவ்லர் கதை என்பதால், சி.ஜி மற்றும் கிராபிக்ஸ் காட்சிக்காக மும்பை பெரிய நிறுவத்துடன் பேசி வருகிறார்கள்.மசாலா பிக்ஸ் நிறுவனம் 9வது படமாக இப்படத்தை தயாரிக்கிறது.
