தனுஷின் ஓம் படத்தின் தலைப்பு மாற்றம் – O.M Operation Mole !

நடிகர் தனுஷ் நடிப்பில் உருவாகியுள்ள ‘ஓம்’ திரைப்படத்தின் தலைப்பில் திடீர் மாற்றம் செய்யப்பட்டுள்ளது. தணிக்கைக் குழு தொடர்பான பிரச்சினைகளைத் தொடர்ந்து படத்தின் தலைப்பு மாற்றப்பட்டுள்ளதாகத் தகவல் வெளியாகியுள்ளது.

இயக்குநர் ராஜ்குமார் பெரியசாமி இயக்கத்தில் தனுஷின் 55-வது திரைப்படமாக உருவாகியுள்ள இப்படத்தை வன்டர்பார் ஃபிலிம்ஸ் மற்றும் ஆர்டேக் ஸ்டூடியோஸ் இணைந்து தயாரித்துள்ளன.

இப்படத்தில் மலையாள நடிகர் மம்மூட்டி, சாய் பல்லவி, ஸ்ரீலீலா, நஸ்ருதீன் ஷா உள்ளிட்ட பலர் முக்கிய கதாபாத்திரங்களில் நடித்துள்ளனர். சாய் அபயங்கர் இப்படத்திற்கு இசையமைத்துள்ளார்.

முன்னதாக, இப்படத்திற்கு ‘OM – Chapter 1: Udhiram – The Blood Wood’ எனத் தலைப்பு வைக்கப்பட்டிருந்தது. இந்நிலையில், தணிக்கைக் குழு தொடர்பான பிரச்சினைகள் காரணமாக தற்போது படத்தின் தலைப்பு ‘O.M – Operation Mole’ என மாற்றப்பட்டுள்ளதாக அறிவிப்பு வீடியோவில் தெரியவந்துள்ளது.

சாய் அபயங்கர் இசையில் வெளியான ‘அலாக்கா லோவா’, ‘வீழா வீரா’ உள்ளிட்ட பாடல்கள் ரசிகர்களிடையே நல்ல வரவேற்பைப் பெற்றுள்ளன.

வரும் நவம்பர் 20-ஆம் தேதி இப்படம் திரையரங்குகளில் வெளியாகவுள்ள நிலையில், தலைப்பு மாற்றம் ரசிகர்கள் மத்தியில் கவனத்தை ஈர்த்துள்ளது.