தனுஷுடன் ‘கர’ படத்தில் நடிக்க மறுத்த பிரபல நடிகை சைத்ரா ஆர்ச்சர் !

‘போர் தொழில்’ படத்தின் பிரம்மாண்ட வெற்றியைத் தொடர்ந்து, இயக்குனர் விக்னேஷ் ராஜா இயக்கத்தில் தனுஷ் நடித்துள்ள திரைப்படம் ‘கர’. வரும் ஏப்ரல் 30-ம் தேதி வெளியாகவுள்ள இத்திரைப்படம் குறித்த சுவாரசியமான தகவல் ஒன்றை இயக்குனர் தற்போது பகிர்ந்துள்ளார்.

1990-களில் ராமநாதபுரத்தில் நடந்த ஒரு வங்கி கொள்ளைச் சம்பவத்தை மையமாக வைத்து, கிராமத்து பின்னணியில் ஆக்‌ஷன் பாணியில் இத்திரைப்படம் உருவாகியுள்ளது. இதில் மமிதா பைஜு கதாநாயகியாக நடித்துள்ளார். மேலும் கே.எஸ். ரவிகுமார், கருணாஸ், ஜெயராம், பிருத்வி பாண்டியராஜன் உள்ளிட்ட பலர் முக்கிய கதாபாத்திரங்களில் நடித்துள்ளனர்.

சர்ச்சையும் விளக்கமும்:

இப்படத்தின் டீசர் மற்றும் போஸ்டர்கள் வெளியான போது, மலையாள நடிகையான மமிதா பைஜுவை ஏன் கிராமத்து கருப்பு நிற பெண்ணாக மாற்ற வேண்டும்? அதற்கு பதில் தமிழ் தெரிந்த அல்லது அந்த நிறம் கொண்ட நடிகையையே தேர்ந்தெடுத்திருக்கலாமே என சமூக வலைதளங்களில் விமர்சனங்கள் எழுந்தன.

இதற்குப் பதிலளிக்கும் வகையில் பேசிய இயக்குனர் விக்னேஷ் ராஜா, கதாநாயகி தேர்வு குறித்து ஒரு முக்கிய உண்மையை உடைத்துள்ளார்.

தனுசுடன் நடிக்க மறுத்த நடிகை :

முதலில் இந்த கதாபாத்திரத்தில் நடிக்க கன்னட நடிகை சைத்ரா ஆர்ச்சரை (Chaitra Achar) தான் படக்குழு அணுகியுள்ளது. இவர் தனுஷுடன் ஏற்கனவே ஒரு சில படங்களில் நடித்துள்ளார். ஆனால், ‘கர’ படத்தின் கதையை சைத்ராவிடம் சொன்னபோது, சில காரணங்களால் அவர் இப்படத்தில் நடிக்க மறுத்துவிட்டார். 

அதன் பின்னரே மமிதா பைஜுவிடம் பேச்சுவார்த்தை நடத்தப்பட்டது. “மமிதா இந்த சவாலான கதாபாத்திரத்தை ஏற்றுக்கொள்வாரா என்று முதலில் சந்தேகித்தேன், ஆனால் அவர் உடனே சம்மதம் தெரிவித்து எங்களை ஆச்சரியப்படுத்தினார்” என்று விக்னேஷ் ராஜா தெரிவித்துள்ளார்.

ஜி.வி. பிரகாஷ் இசையமைத்துள்ள இப்படத்திற்கு தேனி ஈஸ்வர் ஒளிப்பதிவு செய்துள்ளார். பெரும் எதிர்பார்ப்புகளுக்கு மத்தியில் ‘கர’ திரைப்படம் திரைக்கு வரத் தயாராக உள்ளது.