மூக்குத்தி அம்மன் 2: மகாசக்தி’ டீசர் வெளியீடு – மீண்டும் அம்மனாக மிரட்டும் நயன்தாரா !

லேடி சூப்பர் ஸ்டார் நயன்தாரா நடிப்பில் மிகவும் எதிர்பார்க்கப்படும் ‘மூக்குத்தி அம்மன் 2’ (Mookuthi Amman 2) படத்தின் பிரம்மாண்டமான டீசர் இன்று அதிகாரப்பூர்வமாக வெளியாகியுள்ளது. ‘ரைஸ் ஆஃப் மகாசக்தி’ (Rise of Mahasakthi) என்ற பெயரில் வெளியாகியுள்ள இந்த டீசர் தற்போது இணையத்தில் ட்ரெண்டாகி வருகிறது.

முன்னதாக வெளியாகி மெகா ஹிட்டான ‘மூக்குத்தி அம்மன்’ படத்தின் வெற்றியைத் தொடர்ந்து, இதன் இரண்டாம் பாகம் மிகப்பிரம்மாண்டமாக உருவாகி வருகிறது. முதல் பாகத்தை ஆர்.ஜே. பாலாஜி இயக்கியிருந்த நிலையில், இந்த இரண்டாம் பாகத்தை பிரபல இயக்குனர் சுந்தர் சி இயக்குகிறார். அம்மன் படங்களை இயக்குவதில் கைதேர்ந்தவரான சுந்தர் சி, நயன்தாராவுடன் இணைந்திருப்பது படத்தின் மீதான எதிர்பார்ப்பை பன்மடங்கு அதிகரித்துள்ளது.

வேல்ஸ் ஃபிலிம் இன்டர்நேஷனல் (Vels Film International) சார்பில் டாக்டர். ஐசரி கே. கணேஷ் இப்படத்தை தயாரிக்கிறார். இப்படத்திற்கு ஹிப்ஹாப் தமிழா இசையமைக்கிறார். டீசரில் இடம்பெற்றுள்ள அவரது பின்னணி இசை மிரட்டலாக அமைந்துள்ளது.

தற்போது திங்க் மியூசிக் இந்தியா (Think Music India) யூடியூப் தளத்தில் வெளியாகியுள்ள இந்த டீசரில், அம்மன் கெட்டப்பில் நயன்தாராவின் தோற்றம் பக்தியையும் பிரம்மாண்டத்தையும் ஒருங்கே வெளிப்படுத்துகிறது. முதல் பாகத்தின் வெற்றியைத் தொடர்ந்து, இந்த இரண்டாம் பாகம் ரசிகர்களுக்கு சிறந்த ஒரு ஆன்மீக மற்றும் குடும்பப் பொழுதுபோக்கு அனுபவத்தை வழங்கும் என எதிர்பார்க்கப்படுகிறது.

டீசரை முழுமையாகக் காண :