News
ஜேசன் சஞ்சய் இயக்கத்தில் உருவாகியுள்ள ‘சிக்மா’ படத்தின் வெளியீட்டு தேதி அறிவிப்பு !
முன்னாள் நடிகரும், தற்போதைய தமிழக முதலமைச்சருமான விஜயின் மகன் ஜேசன் சஞ்சய், தமிழ் சினிமாவில் இயக்குனராக அறிமுகமாகும் ‘சிக்மா’ திரைப்படத்தின் அதிகாரப்பூர்வ ரிலீஸ் தேதி வெளியாகியுள்ளது.
திரையுலக வாரிசுகள் பலரும் நடிப்பில் ஆர்வம் காட்டி வரும் வேளையில், ஜேசன் சஞ்சய் தனது தந்தை வழியில் நடிகராகாமல், கேமராவுக்கு பின்னால் நின்று கதை சொல்லும் இயக்குனர் அவதாரத்தை கையில் எடுத்து அனைவருக்கும் ஆச்சரியம் கொடுத்துள்ளார். இதற்காக அவர் லண்டனில் திரைப்பட இயக்கம் சார்ந்த படிப்புகளையும், பயிற்சிகளையும் மேற்கொண்டுள்ளார் என்பது குறிப்பிடத்தக்கது.
பிரபல தயாரிப்பு நிறுவனமான லைக்கா புரொடக்ஷன்ஸ் தயாரிப்பில் உருவாகியுள்ள இந்த திரைப்படத்தில், திறமையான நடிகர் சந்தீப் கிஷன் கதாநாயகனாக நடித்துள்ளார். படத்திற்கு ‘சிக்மா’ எனப் பெயரிடப்பட்டு, விறுவிறுப்பாக படப்பிடிப்பு பணிகள் நடந்து முடிந்துள்ளன. தற்போதைய ட்ரெண்ட் மியூசிக் டைரக்டரான தமன் இந்த படத்திற்கு இசையமைத்துள்ளார்.
“படம் உருவாகி பல மாதங்கள் கடந்தும், படம் எப்போது வெளியாகும் என்கிற எந்தவொரு அதிகாரப்பூர்வ தகவலும் இல்லாமல் இருந்தது. இதனால் ரசிகர்கள் பெரும் எதிர்பார்ப்பில் காத்திருந்தனர்.”
இந்நிலையில், இயக்குனர் ஜேசன் சஞ்சய் தனது அதிகாரப்பூர்வ எக்ஸ் (ட்விட்டர்) பக்கத்தில் சிக்மா படத்தின் புதிய போஸ்டர் ஒன்றை பகிர்ந்து, ரசிகர்களின் நீண்ட நாள் காத்திருப்புக்கு முற்றுப்புள்ளி வைத்துள்ளார். அதன்படி, ‘சிக்மா’ திரைப்படம் வரும் ஜூலை 31ஆம் தேதி திரையரங்குகளில் பிரம்மாண்டமாக வெளியாகவுள்ளது.
முதலமைச்சர் விஜயின் மகன் இயக்கியுள்ள முதல் படம் என்பதால், ஒட்டுமொத்த கோலிவுட்டும், ரசிகர்களும் இந்த படத்தின் மீது மிகுந்த எதிர்பார்ப்பில் உள்ளனர். ஜேசன் சஞ்சய்யின் இந்த புதிய முயற்சிக்கு சமூக வலைத்தளங்களில் வாழ்த்துகள் குவிந்து வருகின்றன.
