ஆகஸ்ட் 14-ல் தியேட்டர்களைத் திருவிழாவாக்க வரும் சூர்யாவின் ‘விஸ்வநாத் & சன்ஸ்’ !

சினிமா ரசிகர்களின் பெரும் எதிர்பார்ப்புக்கு மத்தியில், நடிகர் சூர்யா மற்றும் இயக்குநர் வெங்கி அட்லூரி கூட்டணியில் உருவாகியுள்ள ‘விஸ்வநாத் & சன்ஸ்’ திரைப்படம் வரும் ஆகஸ்ட் 14ஆம் தேதி உலகம் முழுவதும் தியேட்டர்களில் பிரம்மாண்டமாக வெளியாகிறது.

குடும்ப உணர்வுகள், வயிறு குலுங்க வைக்கும் நகைச்சுவை மற்றும் மனதை வருடும் தருணங்கள் நிறைந்த ஒரு கம்ப்ளீட் ஃபேமிலி என்டர்டெய்னராக (Family Entertainer) இப்படம் தயாராகியுள்ளது.

இப்படத்தின் டீசர் மற்றும் டைட்டில் அனௌன்ஸ்மென்ட் வெளியான நாள் முதலே ரசிகர்கள் மத்தியில் ஆர்வம் தொற்றிக் கொண்டது. குறிப்பாக, சூர்யா ஒரு குழந்தையுடன் இருக்கும்படியான ஃபர்ஸ்ட் லுக் போஸ்டர் வெளியாகி சோஷியல் மீடியாவில் ட்ரெண்டானது. இது சூர்யாவின் பழைய வசீகரமிக்க, எவர்கிரீன் நடிப்பு பாணியை மீண்டும் நினைவூட்டும் வகையில் அமைந்ததால், குடும்ப ரசிகர்கள் மத்தியில் படத்திற்கு உடனடி வரவேற்பு கிடைத்துள்ளது.

‘வாத்தி’, ‘லக்கி பாஸ்கர்’ என அடுத்தடுத்து பிளாக்பஸ்டர் வெற்றிகளைக் குவித்த இயக்குநர் வெங்கி அட்லூரி, இந்த முறை சூர்யாவுடன் கைகோர்த்துள்ளார். தனது முந்தைய படங்களைப் போலவே, இதிலும் குடும்ப உறவுகள், எமோஷனல் கதைக்களம் மற்றும் மனதைக் கவரும் ஃபீல்-குட் தருணங்களை நேர்த்தியாகக் கையாண்டுள்ளார்.

நட்சத்திரப் பட்டாளம் மற்றும் பலமான கூட்டணி:

• தயாரிப்பு: சித்தாரா என்டர்டெய்ன்மென்ட்ஸ் சார்பில் சூர்யதேவர நாக வம்ஷீ மற்றும் ஃபார்டியூன் ஃபோர் சினிமாஸ் சார்பில் சாயி சௌஜன்யா.

• நட்சத்திரங்கள்: மமிதா பைஜு, ராதிகா சரத்குமார், ரவீனா டாண்டன் உள்ளிட்ட பலர் முக்கிய கதாபாத்திரங்களில் நடித்துள்ளனர்.

• இசை: ஜி.வி. பிரகாஷ் குமார் (இப்படத்திற்கு கூடுதல் பலம் சேர்க்கிறார்).

• தொழில்நுட்பக் கலைஞர்கள்: நிமிஷ் ரவி (ஒளிப்பதிவு), நவீன் நூலி (படத்தொகுப்பு), பங்களன் (தயாரிப்பு வடிவமைப்பு).

தமிழ்நாட்டில் இப்படத்தின் தியேட்டர் உரிமையைக் பிரபல நிறுவனமான திங்க் ஸ்டூடியோஸ் (Think Studios) கைப்பற்றியுள்ளது. இதனால் மாநிலம் முழுவதும் உள்ள முக்கிய திரையரங்குகளில் இப்படம் மிக பிரம்மாண்டமாக, வலுவான எண்ணிக்கையில் வெளியாகவுள்ளது உறுதியாகியுள்ளது.

2026 ஆம் ஆண்டின் மிகவும் நேசிக்கப்படும் குடும்ப பொழுதுபோக்குத் திரைப்படமாக ‘விஸ்வநாத் & சன்ஸ்’ இருக்கும் என்பதில் சந்தேகமில்லை. வரும் ஆகஸ்ட் 14ஆம் தேதி, உங்கள் குடும்பத்துடன் திரையரங்குகளில் சூர்யாவின் இந்த மேஜிக்கைக் கொண்டாடத் தயாராகுங்கள்!