அன்பில் அவன் – திரைவிமர்சனம் !

Cast: Ashok Selvan, Preity Mukhundhan, Sabumon Abdusamad, Kadirbalu, Maha Delhi Ganesh
Production: K.Karunamoorthy, Ashok Selvan, Abinaya Selvam
Director: R Karthikeyan
Screenplay: R Karthikeyan
Cinematography: Gowtham Rajendran
Editing: Selva RK
Music: Govind Vasantha
Language: Tamil
Runtime: 2h 37 Mins
Release Date: 2 October 2026

கதைச்சுருக்கம்:

பெற்றோர்களின் எதிர்ப்பை மீறி காதலித்து திருமணம் செய்துகொள்கிறார்கள் அசோக் செல்வனும், பிரீத்தி முகுந்தனும். இருவரும் ஒரு நட்சத்திர ஹோட்டலில் வேலை பார்க்கின்றனர். அங்கு ஏற்படும் வேலைப்பளு மற்றும் அவமானங்களால் விரக்தியடையும் இந்த ஜோடி, ஒரு மலைவாழ் பிரதேசத்தில் சொந்தமாக ஒரு ‘ஹோம் ஸ்டே’ (Home Stay) ஹோட்டலை தொடங்க ஆசைப்படுகிறார்கள்.

தங்களிடம் உள்ள அனைத்தையும் விற்று, கடனும் வாங்கி அதற்கான இடத்தை தயார் செய்யும்போது, உள்ளூர் எம்.எல்.ஏ, அவருக்கு ஆதரவான போலீஸ் இன்ஸ்பெக்டர் மற்றும் ஒரு வக்கீல் ஆகியோரால் ஏகப்பட்ட சிக்கல்கள் வருகின்றன. இந்த அதிகார பலம் கொண்ட தடைகளைத் தாண்டி, இந்த இளம் தம்பதி தங்கள் கனவு ஹோட்டலைத் திறந்தார்களா? இழந்தது என்ன? என்பதே ‘அன்பில் அவன்’ படத்தின் மீதிக்கதை.

எப்படி இருக்கு படம்?

ஆரம்பத்தில் ஒரு கியூட்டான காதல் தம்பதியின் கதை, வேலை நெருக்கடி, அவர்களின் கனவு என மிக எதார்த்தமாகத் தொடங்கும் படம், இடைவேளைக்குப் பின் அப்படியே ‘ஆக்‌ஷன்’ ஜானருக்கு தடம் மாறுகிறது.

ப்ளஸ்:

• நடிப்பு: ஹோட்டல் ஊழியர்களாக வரும் அசோக் செல்வன் மற்றும் பிரீத்தி முகுந்தனின் நடிப்பு மிக எதார்த்தம். குறிப்பாக பிரீத்தி முகுந்தனுக்கு இது ஒரு சிறப்பான படம். எமோஷனல் காட்சிகளிலும், போலீஸிடம் சிக்கும்போதும் அவர் காட்டியிருக்கும் நடிப்பு அருமை.

• வில்லன்கள்: அரசியல்வாதியாக வரும் கதிர்பாலு, வக்கீலாக வரும் சாபு மற்றும் சபலம் நிறைந்த போலீஸாக வரும் மறைந்த டெல்லி கணேஷின் மகன் மகா ஆகியோர் தங்கள் வில்லத்தனத்தால் மிரட்டியுள்ளனர்.

• தொழில்நுட்பம்: சென்னை மற்றும் ஊட்டியை மிக அழகாகக் காட்டியுள்ளது கவுதம் ராஜேந்திரனின் ஒளிப்பதிவு. கோவிந்த் வசந்தாவின் இசையும் பின்னணி இசையும் காதல் மற்றும் எமோஷனல் காட்சிகளுக்கு பெரும் பலம் சேர்க்கின்றன.

மைனஸ் :

• ஓவர் டோஸ் ஆக்‌‌ஷன்: முதல் பாதியில் இருந்த சுவாரஸ்யம் இரண்டாம் பாதியில் முற்றிலும் மிஸ்ஸிங். இடைவேளைக்குப் பின் கதை ஒரே இடத்தில் முடங்கி, நீண்ட நேர சண்டைக் காட்சிகளாகவே நகர்வது சலிப்பை ஏற்படுத்துகிறது.

• லாஜிக் மீறல்: இருவர் மட்டுமே நூற்றுக்கணக்கான ரவுடிகளைத் தொடர்ந்து அடித்து வீழ்த்துவது லாஜிக் இல்லாத சினிமாத்தனம். “எப்படா இந்த சண்டை முடியும்?” என பார்வையாளர்களை யோசிக்க வைத்துவிடுகிறது.

• வீணடிக்கப்பட்ட கதாபாத்திரங்கள்: ஹோட்டல் இடத்தை கொடுக்கும் முக்கிய கதாபாத்திரத்தில் வரும் நடிகை ரேவதியை இயக்குனர் இன்னும் சிறப்பாகப் பயன்படுத்தியிருக்கலாம்.

எதார்த்தமான ஒரு அழகான காதல் கதையை, தேவையற்ற நீண்ட ஆக்‌ஷன் காட்சிகள் ஆக்கிரமித்து சோர்வடையச் செய்துவிட்டன. இரண்டாம் பாதியின் திரைக்கதையில் இன்னும் கவனம் செலுத்தியிருந்தால், இந்த படம் மிகப்பெரிய வெற்றியைப் பெற்றிருக்கும்.

மொத்தத்தில் ‘அன்பில் அவன்’ அன்பில் அவன் – அன்பும் அதிரடியும் கலந்த ஒரு இளம் தம்பதியின் கனவுப் போராட்டம் !

Rating :3/5