திரையரங்குகள் கிடைக்காததால் பின் வாங்கிய இரண்டு படங்கள் !

சசிகுமார் – நிக்கி கல்ராணி நடிப்பில் உருவாகியுள்ள திரைப்படம் ராஜவம்சம் படத்தின் அனைத்து பணிகளும் முடிவடைந்து மார்ச் 12-ம் தேதி வெளியாக இருந்தது. ஆனால் கொரோனா இரண்டாம் அலை ஊரடங்கு காரணமாக திரையரங்குகளில் மூடப்பட்டதால் இந்த படம் ஓடிடி தளத்தில் வெளியாகும் என்றும் கூறப்பட்டது.

அதனையடுத்து இப்படம் அக்டோபர் 14-ம் தேதி திரையரங்குகளில் வெளியாகும் என்று படக்குழு அதிகாரபூர்வமாக அறிவித்து ஓடிடியில் வெளியாகும் என்று வதந்திக்கு முற்றுப்புள்ளி வைத்தது.

அதே சமயம் அதர்வா மற்றும் அனுபாமா நடிப்பில் தள்ளிப்போகாதே என்ற படமும் அக்டோபர் 14 வெளியாவதாக இருந்தது. ஆனால் டாக்டர் மற்றும் அரண்மனை திரைப்படங்கள் வெளியானதால் போதுமான திரையரங்குகளில் கிடைக்காததால் அக்டோபர் 14 ரிலீஸ் செய்வதிலிருந்து பிங்வாங்கியுள்ளன.

டாக்டர் திரைப்படம் வெளியாகி நல்ல வரவேற்பை பெற்று ஓடிக்கொண்டிருக்கிறது. அரண்மனை 3 படமும் நேற்று பிரம்மாணமாக வெளியானது அது மட்டுமில்லாமல் சில ஹாலிவுட் படங்களும் வெளியாகி பெருவாரியான திரையரங்குகளை பிடித்துவிட்டது. இதன் காரணமாக ராஜவம்சம் மற்றும் தள்ளிப்போகாதே ஆகிய இரண்டு படங்களும் வெளியிட போதுமான திரைகள் ஒதுக்க முடியவில்லை இதன் காரணமாக இவை இரண்டும் வெளியீட்டிலிருந்து நேற்று பின்வாங்கியது.