‘அன்பே டயானா’ படத்தின் ஓடிடி வெளியீட்டு தேதி அறிவிப்பு !

காதல், குடும்பம் மற்றும் கலாச்சார வேறுபாடுகளை புதுமையான கோணத்தில் கொண்டு வந்து ரசிகர்களின் வரவேற்பைப் பெற்ற அன்பே டயானா, ஆகஸ்ட் 28, 2026 முதல் Sony LIV-ல் பிரத்யேகமாக டிஜிட்டல் பிரீமியராக வெளியாகிறது.

கலகலப்பான, சுத்தமான, குடும்பத்துடன் ரசிக்கக்கூடிய feel-good ரொமாண்டிக் காமெடியாக இப்படம் பாராட்டுகளை பெற்றது. இதில் காதல், நகைச்சுவை மற்றும் உணர்வுகளை அழகாகக் கலந்து ஒரு அழகான அனுபவத்தை தருகின்றது.

சென்னையின் பரபரப்பான பெரம்பூர் பின்னணியில் உருவாகியுள்ள அன்பே டயானா, பழமைவாத குடும்பத்தைச் சேர்ந்த ஒரு இளைஞனின் வாழ்க்கையில் சுதந்திரமான சிந்தனையுடன் வாழும் ஆங்கிலோ-இந்திய பெண் ஒருவர் நுழையும் போது ஏற்படும் எதிர்பாராத மாற்றங்களைச் சொல்கிறது இந்த படம்.

மாறுபட்ட இரு உலகங்கள் ஒன்றிணையும்போது, காதல், சிரிப்பு, குடும்ப எதிர்பார்ப்புகள், ஒரு அழகான, அதே நேரத்தில் குழப்பம் நிறைந்த பயணம் தொடங்குகிறது.

பரி இளவழகன் எழுதி, இயக்கி, கதாநாயகனாக நடித்துள்ள இப்படத்தில் ரம்யா ரங்கநாதன் கதாநாயகியாக நடித்துள்ளார்..கலாச்சாரம் மற்றும் குடும்ப எல்லைகளைக் கடந்து மலரும் காதலின் சவால்களை அனைவருக்கும் தொடர்புபடுத்திக் கொள்ளக்கூடிய விதத்தில் இப்படம் எடுக்கப்பட்டு உள்ளது. குறிப்பாக, ரம்யா ரங்கநாதனின் நடிப்பு பாராட்டுகளைப் பெற்றுள்ளது. திரையில் அவரது நடிப்பு Pure Magic எனவும் சொல்லப்பட்டுள்ளது.

முற்றிலும் மாறுபட்ட இரு உலகங்களைச் சேர்ந்த இருவர் காதலில் விழும்போது என்ன நடக்கிறது என்பதை சுவாரஸ்யமாக எடுத்துச் சொல்கிறது இந்த படம். இந்த ஆகஸ்ட் மாதம் Sony LIV-ல் காதல் கொண்டாட்டங்கள் தொடர்கின்றன. முதலில் ஆகஸ்ட் 21 அன்று சென்னை லவ் ஸ்டோரி வெளியாகியது.. அதனைத் தொடர்ந்து ஆகஸ்ட் 28 அன்று அன்பே டயானா வெளியாகிறது.