அஜித்தின் கார் ரேஸை கொடியசைத்து தொடங்கி வைத்த முதலமைச்சர் விஜய் !

தொழில் முதலீடுகளை ஈர்ப்பதற்காக இங்கிலாந்து சென்றுள்ள தமிழக முதலமைச்சர் விஜய், அங்கு மாபெரும் சர்ப்ரைஸ் ஒன்றை கொடுத்துள்ளார். நடிகர் அஜித் குமார் பங்கேற்கும் கார் பந்தயத்தை அவர் நேரில் சென்று தொடங்கி வைத்த காட்சிகள் இணையத்தில் தீயாகப் பரவி வருகின்றன.

விளையாட்டு உள்கட்டமைப்புகளைப் பார்வையிட்ட முதல்வர்

தமிழ்நாட்டில் உலகத்தரம் வாய்ந்த ‘மோட்டார் ஸ்போர்ட்ஸ் நகரம்’ அமைக்கப்படும் என சமீபத்தில் சட்டப்பேரவை விதி எண். 110-ன் கீழ் முதல்வர் விஜய் அறிவித்திருந்தார். இந்த மாபெரும் திட்டத்திற்கான சர்வதேச அளவிலான சிறந்த நடைமுறைகள் மற்றும் உள்கட்டமைப்புகளை நேரில் பார்வையிட்டு அறிந்துகொள்வதற்காக, இங்கிலாந்தின் புகழ்பெற்ற ‘சில்வர்ஸ்டோன் மோட்டார் ரேசிங் சர்க்யூட்’ (Silverstone Motor Racing Circuit) பகுதிக்கு அவர் பயணம் மேற்கொண்டார்.

அஜித்தின் அழைப்பும்.. விஜய்யின் சர்ப்ரைஸும்..

இந்தச் சூழலில், சில்வர்ஸ்டோன் மைதானத்தில் நடைபெறும் ‘லீ மேன்ஸ் கப்’ கார் பந்தயத்தில் முன்னணி நடிகரும், ரேஸருமான அஜித் குமார் பங்கேற்கிறார். இதற்கான அதிகாரப்பூர்வ அறிவிப்பை ‘லீ மேன்ஸ்’ அமைப்பு வெளியிட்டிருந்த நிலையில், அஜித்தின் சிறப்பு அழைப்பின் பேரிலேயே முதலமைச்சர் விஜய் அங்கு சென்றுள்ளார்.

இணையத்தை தெறிக்கவிடும் புகைப்படங்கள்

பந்தயக் களத்திற்குச் சென்ற முதலமைச்சர் விஜய், அங்கு நடிகர் அஜித்தைக் கண்டதும் ஓடிச் சென்று கட்டியணைத்து முத்தமிட்டார். இரு துருவங்களாகச் செயல்பட்ட இவர்கள், தற்போது மாபெரும் பொறுப்புகளில் இருந்து சந்தித்த இந்த நெகிழ்ச்சியான காட்சிகள் இணையத்தில் வைரலாகி வருகின்றன.

பின்னர் அஜித்தின் கார் மீது அமர்ந்து முதல்வர் விஜய் புகைப்படம் எடுத்துக்கொண்டார். அஜித்துக்கு கைகுலுக்கித் தனது மனமார்ந்த வாழ்த்துகளைத் தெரிவித்த அவர், ரேஸிற்கான கொடியசைத்து பந்தயத்தையும் முறைப்படி தொடங்கி வைத்தார்.

ரசிகர்கள் உற்சாகம்: பல ஆண்டுகளாகத் திரையுலகில் போட்டியாளர்களாகக் கருதப்பட்ட இரு பெரும் ஆளுமைகளின் இந்த எதிர்பாராத அன்பான சந்திப்பும், நட்பும் சமூக வலைத்தளங்களில் ட்ரெண்டாகி வருகிறது. இரு தரப்பு ரசிகர்களும் இந்த வீடியோக்களையும், புகைப்படங்களையும் பகிர்ந்து இணையத்தில் கொண்டாடி வருகின்றனர்.